網路會員
|
jubowo友君:
你有言論自由;但大家不認同你的見解...所以長講長有。 ^^
何謂民主?有甚麼好?
簡單地講,如果要在民主和極權兩選一,我定會選民主!在自由、人權、公平、私人財產,各方面都會較有保障。而民主選舉的體現,絕非只有直選一種。
至於香港的政制,回歸前一向都被譏為三不像....只可以說是民主化當中再加威權式統治(殖民地).....但回歸後的香港,又加添變數....
講明港人治港,行資本主義,普選亦寫入基本法當中,威權既失去,香港人自然對新政制產生期望....進一步民主化必然的唯一選擇。
如果還想要停留在回歸前的行政主導,甚至進一步集權....那麼請先找回威權,先建立管治威信.....
本來香港都有這個機會,責任應由第一屆特首去建立,但偏偏中央所托非人,大氣候不景,內部小氣候的政治、經濟和社會亦一團糟.....現在無得返轉頭啦!
香港好現實的,你叫我們可以再信誰?當然是信自己的一票啦!!!!! ^^ |
網路會員
| |
網路會員
|
re:jubowo
你對美國選舉好似好熟喎....
問題係, 細黨點解細? 係因為冇咩人支持, 票源少就資源少, 動員能力又係少, 在民主選舉中落敗是好正常. 抽一抽你後腳:
「你又知唔知英、美、德、法呢四個全統西方民主大國當中有邊個國家既領導人係一人一票直選出來？睇真D呢D國家既憲法同選舉法，答案係你都會估到-係冇！」
法國係唔係一人一票直選?
|
網路會員
|
>>你對美國選舉好似好熟喎....
超人兄，不敢當！我唔係學政治既，只係班門弄斧而。年輕時滿腔愛國熱誠，但係o個陣時中國唔爭氣，覺得係恥辱，妄想改變國家，閒時唔讀書，日日同D同學「論政」，自我淘醉。
美國細黨點解細? 當然係佢地自已唔受歡迎，但同時亦係美國呢個兩黨體制所使然，不單只係佢既選舉制度，美國整個政治體制都係設計到完全扼殺多黨政治既。兩黨為左維持平衡均勢，不但扭曲政治體制，連行政手段都用埋，完全背棄民主精神。更勁既係美國呢個體制，令兩黨大權在握，只要得到多數人支持，差不多可以為所欲為，完全莫視少數人的利益，莫視憲法，此謂「民主獨裁」，係民主體制中最差既一種，而且美國政治思想狹隘，單睇佢對國際事務既態度就知，唯我獨尊，容不下任何人。難怪歐洲人，尤其係法國人咁睇唔起美國政治，又冇參加北約。相反地，法國係多個歐洲大國中與中長期國最友好的國家。
法國既選舉制度晌我上一個發言末段有題道，不重複，同樣只是皮毛，唔好咁認真。不過話時話，法國真係好民主，各黨各派都有，而且各種選舉五花百門，差不多每一兩年就一次全國性選舉民主氣氛非常好，選民既質素相對地高，高過香港D選民點只幾班，不愧為現代民主既發祥地，但法國亦為左民主付上沉重既經濟同社會代價。
By the way，法國亦係共產主義發祥地，到今時今日都仲有共產黨。調番轉，香港人容得下共產黨嗎？要唔要試下共產黨晌香港設支部同民主黨一人一票玩直選？當然，我都唔相信共產黨可以勝選，但係你願唔願意冒呢個民主既風險？ |
網路會員
|
只要有一人一票直選, 我唔會介意選舉後果.
香港及中國人一向怕事, 議政者多如天上繁星, 但見問題就走既, 亦係繁星咁多. 短視及內向的傳統, 是須要多次沖擊才會成長, 上次7-1已經見到效果, 區區七百萬人有近十分一自發上街, 全球有邊個地方有咁強既意識?
|
新進會員
|
雖然超人說話有時真係幾近過火,但其實都幾有道理!而且都幾肯幫人員 |
新進會員
|
今次我支持超人!
香港的民主制度係好有問題!但如果以此來打壓民主,後果就更加嚴重,更加有問題!
p.s.超人,以前的恩恩怨怨,希望一筆鉤銷 |
網路會員
|
jubowo，如果香港實行全面普選行政長官同立法會，公平競爭，我吾怕共產黨黎參選。
我吾信胡溫，不是他們不好，但我只信制度。當年大家信鄧小平，結果如何？基本法變成了一紙空文，任當權者隨意解釋，是法制不受尊重所致。
西方民主制度有優有劣。你所說的問題，大都是事實。但最重要的一點，是一個不受歡迎的人、一個不受歡迎的政黨，是不可能當選的。我們的制度下，卻連這點也做不到啊！
正如我之前所說，民主普選不一定使社會更美好，相反，細果可能更糟！結果，是我們判斷一件事做與不做的重要指標。但人之所以為人，往往有更重要o既考慮。 |
網路會員
|
超人兄，中國既萬世師表2000年前就已經周遊列國，四維拍碼頭，到處獻計，以「禮」定階級，以「教」囚人心，但一見勢色唔對就撇，總之有奶便是娘。估唔到後世子孫竟然世世代代受佢既所謂「儒家思想」所困惑，有乜法子唔死？
至於選舉，如果另外o個十份九人都好似你咁唸就乜野問題都解決晒啦！07-08想直選唔係唔得，搞革命連共產黨都拉埋落台咪得囉！不過事先記住通知聲，等我走先。又或者接受間選，做得好好睇睇，等中央知道我地香港人唔係亂搞野，再爭取12-13有條件直選（例如功能組別），繼而再17-18全面直選，到時咪可以拍張大合照囉！
人所共知，內地無論經濟改革定係法制改革都借鑒左唔少香港經驗。而且改革道路從79年走到現在，艱苦而漫長，到今時今日可謂國富兵強，中國人等左足足二百年先有今日！中國既改革經過左經改同法改，宜家就到最後、最重要亦係最敏感呢關，你想中國繼續借鑒香港改革落去，定係想中央晌香港見到過往內地o個D「一放就亂，一亂就收，一收就死」既失敗情況出現？如果中央真係對政改呢樣野產生好大戒心，你估內地D冇我地咁民主、冇我地咁自由既同胞仲使唔使旨意有政改？如果冇，咁我地係唔係扇動D內地同胞一齊推翻共產黨，建立一個新既民主國家?自已唸啦！
|
網路會員
|
re:沐雪
小事而言. 年年我都得罪人, 有怪莫怪.
自由民主選舉最大的好處是局張參選人要對普羅市民負責, 這是現有制度的流弊, 試問全民公決董特首去流, 你估比例會係點? 我睇未到投票日, 董特首就借病還鄉囉.
自由選舉不能保証腎者當選, 但所有再在下次當選的人, 都要努力做事吧, 有十個人落選, 即是有10個在野特首, 民個壓力亦會送回當政者.
儒家思想係咩我真係唔清楚, 亦唔覺有幾重要. 以前世界簡單, 兩餐一宿、最枝散葉, 現在已經大不同, 物質享受好似高居首位多年. 如果再用以前的簡單統治手段, 我睇真係蔬菜生果比你悶死.
推返共黨並沒有用, 就好似我家大廈的業主委員會, 有人兄夠晒豪, 成日叫管理公司abcd-xyz都做晒, 唔做就炒, 搞到畫面幾唔happy, 到開業主大會, 我一句得埋去, 「你咁樣嚇人, 唔知既比係嚇死, 知既又係嚇極唔做, 有咩用!」 於是我好簡單同管理公司講, 叫佢開個spec, 做晒所有投標程序, 實行由現有公司搞下一任管理公司既投標, 果個manager即刻打個突, 即問有咩唔ok有咩要改, 我話有咩要改你唔知既, 咪得閒睇o下下開標人地管理公司點做法, 點樣承諾囉.
呢個就係公開公平選舉既好處, 根本唔使麻, 當位者要的, 只要受人民控制, 咁就已經sure win.
|
網路會員
|
Good pt! Super Man!
>到今時今日可謂國富兵強
Really? How come still many Chinese people don"t have enough food for stay alive? Many children can"t have education? Many people escaped from China and went to US?
I met many Chinese friends in Canada, I asked them, "do you love China?" They answered, "if Chinese government give me money, I would love China."
I think if the life quality of China become like US"s, it may take many years. |
網路會員
|
jubowo友君:
多口問句,當年你是否國事派?? |
網路會員
|
>到今時今日可謂國富兵強
Really? How come still many Chinese people don"t have enough food for stay alive? Many children can"t have education? Many people escaped from China and went to US?
---------------------------------------
relatively speaking the quality of life in China has improved a lot.
But it is also true the majority of the population is still quite poor.
Thats why our Premier Wen who is visiting Belgium at this moment said - quote- " He has a dream. He dream one day in China all children can get education and all workers can find a job"-unquote.
I believe in him. I also wish HK can get someone like him to run the govt. |
網路會員
|
在部分外國人眼中,中國人如豬狗般生活。
現今中國,有貧窮農村的一面,亦有發達城市.....你可以話是貧富懸殊。
但相比幾十年前的中國,改革開放後,人民的生活水準每天在改善當中。
幾時才超越歐美?時間性這點重要嗎?
若果那麼享往歐美生活水準,索性移民好了......^^ |
網路會員
|
心急人兄，我唔知自已以前乜野派，到宜家都未知自已係乜野派，反正從來都冇人當我係佢o個派:)
老實同你講，我雖然唔係精英，但我係個精英主義者，我好相信國家事務應該交托比D有能力既人。國家三權都應該由專家來負責，既然行政、司法如此，立法更應如此。負責立法既人，同時亦負責監察行政，唔係單純既民意代表可以勝任。所以我主張議員應該有專業制度，如同醫生、律師一樣，要受過專業訓練，對政治各個環節都有一定修養，重要有一套專業守則規管，咁議會先至可以專業地、理性地議政同立法，而領導人再由議會選出，咁先可以確保領導人係真正既能者、賢者，而唔係一D哇眾取寵既政客。只要有完善既法制，我唔怕被選為議員或領導既會亂來，我更怕既係我地將國家重任交托比一D無能既人。比喻睇醫生，我希望睇一個有足夠專業知識同有專業操守既醫生，而唔係一個受歡迎既醫生。
同樣道理，我唔相信一人一票既選舉制度。咁樣既選舉制度係平等而唔係公平。打死我我都唔信愛恩斯坦o個票同街邊啊伯o個票有同樣品質。社會精英晌國事上應該有更大發言權。所以我主張功能組別選舉，咁樣社會各階層及利益團體既聲音會比較平衡。
我亦主張選舉可以投反對票。舉例說，如果晌一個選舉裡只有兩個候選人，我兩個都唔想投予，但兩個當中我只可以選一個我冇咁唔鍾意既。不過如果有得投反對票的話，我就可以唔投票予任何人而對我更唔鍾意既候選人投反對票。雖然選舉結果冇分別，都係支持率較高既候選人會贏，但點票結果就可能好唔同。因為正負票互相扣除以後，就算當選得票率都可能好低，咁樣就可以反映出當選者之所以當選，並非因為廣受支持而只係冇咁討人厭，比到公眾及候選人一個比較準確既信息。
可惜我未見過類似我理想中既政制，更莫論成功既例子。但係講你都唔信，最接近我理想中既政制竟然發生在中國。雖然佢係一黨專政，但係基層議會有直選（係差額選舉，不過唔係度度有），然後層層間選直至國家級領導人。不知不覺中共產黨以經發生左根本性既變化，黨內比以前民主左好多，宜家可以做國家領導人既，都係經過千鎚白練，幾經考驗既。自從鄧小平以來，當上最高領導人既大部份，甚至絕大部份都係能幹、進步而清廉既，唔係中國既改革一定冇可能有今日既成功。基本上依呢個政制繼續發展民主，只要再加強同完善法制，我對佢相當有信心。我唔介意一黨政治，只要黨內有民主，黨外有自由，造就到有質素既領導人，帶領國家走向富強就得喇。每個制度都有所長短，但最重要既係有效。
P.S.中國十二億人當中以西方標準來看可能有十一億甚至更多既仲係窮人，但係從清朝中葉以來，中國何曾有今日既進步、富強、穩定同國際地位？中國雖然仲係窮，但係綜合國力世界排第三！人地點睇我地唔係唔緊要，但最緊要係我地點睇自已！一個人要有好既好自我形象、有自信、肯努力，先至會成功，國家都係一樣道理。 |
網路會員
|
>幾時才超越歐美?時間性這點重要嗎?
「超英趕美」只是美麗慌言, 中國跑得幾快, 別人就回頭走來讓你過?
呢類口號, 正面是鼓勵群體, 負面是避開本身既有問題, 正如「望梅止渴」的故事一樣, 信既就真係傻仔....
|
網路會員
|
今早聽新聞, 連王教授都好似唔順, 香港好快變成一言堂, 中共既統戰手法真係強......
|
網路會員
|
jubowo 兄, 說得好!
|
網路會員
|
「社會精英晌國事上應該有更大發言權。」不敢苟同。 |
網路會員
|
>中國十二億人當中以西方標準來看可能有十一億甚至更多既仲係窮人
What I meant is not the rich or poor problem. It is about many people still can"t stay alive by themself. Look at many country side in China, still many people can"t have enough food. A rich and powerful nation should give their people basic supply and right. Think about if you were the poor people born in China, do you think you can still like now, browsing on the net? Getting education? If just like what Chinese Officer said that wait for some people to be rich, and the poor people will be rich too. Oh. How long do poor people need to wait? Waiting for luck? It is about the problem of the whole system in China. |
