|
網路會員
|
>>希望中國不是全亞洲或全球最後一個國家用全民投票選領導人啦.
「全民投票選領導人」是什麼意思？你是否指全民直選？如果係，咁你又知唔知英、美、德、法呢四個全統西方民主大國當中有邊個國家既領導人係一人一票直選出來？睇真D呢D國家既憲法同選舉法，答案係你都會估到-係冇！如果「全民投票選領導人」包括間選，宜家香港咪以經係咁？
直選就是好，就是好！？
香港宜家要面對既問題係就著香港既特殊環境、社會及經濟結構而論，邊個政制最適合香港。如果你話非直選不可，咁我寧願唔改，至少我知道在宜家個底下，最壞既情況會係點，因為以經發生左！ |
網路會員
|
I just see if there is direct voting, Mr, Tung will not be Governer now. The merit of voting is you can pull someone incapable down stage. |
網路會員
|
>如果「全民投票選領導人」包括間選，宜家香港咪以經係咁？
好似連間選都冇我份, 因我太低微, 800個人都冇一個係我有份選 :(
>如果你話非直選不可，咁我寧願唔改
我尊重你的意見, 但我更尊重大多數香港人的意見 :) |
網路會員
|
布殊係唔係直選出來? 雖然係一人一票間選, 但每個選民的意願都反映在「elector」之內, 及將之投向候選人. 然而, 由於互聯網的發達, 美國很可能在短時候內就能夠實行一人一票直選. 法國是一人一票直選, 但由於候選人多, 分薄票源, 要以第二輪直選決定誰出線, 這方式是直選, 但有其問題, 就是在勢力相近時, 如法國2002那次選擇有九位候選人, 只要穩操15%票源, 基本上可以肯定大有資格進入次輪選舉, 但亦只可能都只獲得15%票. 香港的長政長官, 絕對不是間選, 更不是直選, 是由中央任命的選舉團作出投選, 選舉團成員與民意並無關係, 成個選舉只是一個show! 對於美、法選舉詳情分析, 看看吧. http://www.books.com.tw/magazine/item/ylmag/ylmag0304_1.htm |
網路會員
|
"睇真D呢D國家既憲法同選舉法，答案係你都會估到-係冇！"
我想你都係無留意人家的選舉制度, 其實稍有留心國際新聞就知道, 如美國總統確實不是一人一票直接選出, 而是選舉人票制度, 如沒記錯簡單來說人民先一人一票選出已有明確投票意向的選舉人, 再由多數人選出來的選舉人在總統大選中投票給自己之前已定的候選人, 雖然此可說是間接選舉, 選舉人票在州份分配上亦曾引起討論, 但始終有很大選民基礎, 效果其實與直選無異, 故請不要再玩文字遊戲, 亦不要為反對而反對. 為支持而支持.
小弟只是略知一二, 如有錯漏請指教指教. |
網路會員
|
我相信這些國家的選舉法, 是大多數國民認同的, 所以出來的結果, 大家都會接受.
我也相信, 現在特首的選舉法, 是大多數香港人不認同的, 所以結果很多人不接受. |
網路會員
|
對不起, 這兒是攝影論壇, 多言了 |
網路會員
|
>如果你話非直選不可，咁我寧願唔改
問題不是你想不想, 而係已有所謂人民代表有你無你幫你決定現在無得想, 亦不知何年何日會有機會改. |
網路會員
|
如果董伯伯咁犀利，單憑一人之力可以摧毀香港，而如果我地可以靠直選搵到一個賢君帶領香港人出埃及，唔鐘意既時候又可以拉佢落台，插佢幾野，咁我都支持直選！反正所有野都係領導人既錯，絕對唔係我既錯！但係唔係唔係真係咁理想？你睇英、美、德、法實行民主咁耐，出過幾多個佢地滿意既首相、總統同總理？家陣呢D國家差不多日日都有大型遊行，D領導人頻頻面對政治危機，支持率差不多日日都跌至新低，例如貝理雅，佢落左台未？
你有份選出來既領導人如果又唔得，咁你賴邊個？賴佢呃左你？定係咁先叫心甘命抵？老實講，直選唔係逃避現實既好方法。香港既問題唔係冇直選，而係有D人自已冇競爭力又或者投資錯誤又唔肯面對現實，一日到黑賴地硬，呢樣野一日唔改，選邊個都冇得醫！呢D人就算去到幾民主既地方一樣冇得醫！
如果係為左自由，我寧願去D冇咁自由既地方，因為一個社會對自由愈放縱，D人既個人主義就愈嚴重，責任感就愈低，個社會就愈唔安全！ |
網路會員
|
"例如貝理雅，佢落左台未？"
--------------------------
民主選舉是一個制度, 讓有能者當選, 無能者下台, 任期3數7年, 在位者盡展所長, 若有閃失亦會有機會補救, 有大錯失才有下台危機, 布殊貝理雅未下台只是未到大選, 民主選舉到時便能決定誰留誰走, 這是可貴之處. 相反阿董case, 或許保皇功能組別代表, 為政立法怎樣差仍可繼續掌權, 又無法可除之, 普羅大眾怎樣辦, 無能者當權社會又會有乜改進?
說民主選舉是"逃避現實, 冇競爭力又或者投資錯誤又唔肯面對現實的人"所依賴為生, 是否太過強詞奪理? 你信人治不信法治, 睇人唔起, 又逃避別人先進民主地方的優點, 只想享受著暫仍自由開放法治的香港給你的一齊, 是否又有點問題? |
網路會員
|
不要問人才哪裡來, 總相信當理性議事成風, 民主開放議政施政制度確立, 人選就會出現, 現在一味打壓, 一味抹黑, 有心人都轉頭跑掉了. |
網路會員
|
呀jubowo生!你居然到今時今日都唔明大眾o既要求???唔明白問題所在???????而家最大o既問題係在於我o地不單只冇辦法趕個無能白痴董建華落台,個賤人仲可以連任!!!而你所講o既貝理雅你認為佢可以連任咩???可能你好好彩,o係老董上任到而家都生活得好開心,但有幾多人俾佢o既政策搞到雞毛鴨血呢?
|
網路會員
|
re:jubowo
盡管民主不是最好制度, 但其他制度比它更好? 不是最好就不變, 那樣就等同永遠沒有進步.
民主制度可貴之處就是當選人要向選民負責, 現在行政長官選舉制度下, 沙士大旗手的董建華, 居然坐擁大權而不到立法會的沙士調查, 將立法會權力也架空, 相信沒有一個有良心的香港人會認同他那樣做. 但就因為他不是民選, 根本不用向市民負責, 沙士一事由始至今, 盡見「陰」點的禍害!
如果你覺得高度自由不是那樣好, 不如回到偉大的祖國吧, 看看你捱得幾耐.
|
網路會員
|
恐怕剩下來的不多.
>如不大明白何謂民主的,請不要為民主上街.
I think you have misunderstanding, the other guy must using i-cable as well. There is no need to do so.
>lollol
>網路會員
61.10.7.xxx
>I feel sad for you if you are someone here but just applying another account for this two speeches.
Agreed but some people may be radical and may say or do offensive things.
>And I hope every HK people can stand up and speak what they believe without afraid whether other"s agree or not.
要開工. 政府搞不好經濟要上街, 和要求民主上街是兩件事.
>七一上街係為自己, 你對正苦沒有問題, 沒有瓜葛, 無須上街,
不如善用那天假期尋開心.
好深奧! 有幾多政治人士有良心? 包括盟主派?
>民主說到低憑良心及道德, 以小數服從多數形式進行政事.
在照顧少數人的行益時, 良心及道德就要發揮作用.
香港開埠以來, 有幾多時間有民主? 同時是否又無社群大眾利益保障?
美國夠話自己是民主國家, 夠民主未? 一樣問題多多.民主制度, 一人一票選舉可能是好, 但先決條件是人民的質素, 搞不好便被政治寶約黨利用.
>很多地方都有不完善的民主制度, 包括香港泛民主派, 民主制度
亦長久以來有久效率問題. 但除卻民主制度外, 沒有其他制度可
保障社群大眾利益, 當然包括共產, 因為共產最大問題是排除了
人的隋性, 大鑊飯年代盡見問題.
這是真我所思所不明. 政治是非, 非黑即白? 多謝你的尊重。
>老兄要是以反話來表達對民主的反對或反思，小弟雖不認同，但謹此表示尊重。
"釋疑"二字, 談何容易. 小弟自知對政治不清不楚, 胡里胡塗. 不過恐怕比小弟更胡塗, 自以為事的, 大有人在. 小弟對香港最近所發生的事情, 和中國人自己的對立局面祗有覺得不開心, 與"沾沾自喜"是完全談不上, 如果閣下認為小弟曾經或正在"沾沾自喜", 小弟只好表示遺憾.至於是否"三餐不保"言論, 只覺是一位所謂有民主訴求人士對一位異見者不滿情緒的發洩. 於事無益.
>不過，如老兄心中真有這許多問號，多月來不僅不予以釋疑，還以“不明白”而沾沾自喜，恕小弟直言，以這種心態打工，分分鐘三餐不保！
要求在立法院直選議席. 不是要求英人下台, 提早結束殖民時代的民主訴求?
沒有50萬人上街吧? 這裡一定有不少人曾參與哦?
>最後，敢問老兄一句：八八直選和九一直選算不算殖民時代港人提出的民主訴求？
我有一位朋友, 是一位十分投入某宗教的宗教教徒, 在她幫忙照顧其親友的小朋友時, 也不遺餘力地向該小朋友灌溉她的宗教思想, 在她而言, 她深信是為這小朋友著想, 但在幼童而言, 又是否夠公平民主呢? 還好的是她的宗教知識是較為深入的, 如果是半桶水的就更......
|
網路會員
|
jubowo：對，民主普選不一定使社會更美好，相反，細果可能更糟！正如自由戀愛不一定比盲婚啞嫁更會白頭到老。
那為什麼盲婚啞嫁走進歷史？你明白嗎？
莫札特打破音樂家由主教、貴族供養的傳統，決定自力更新，選擇投奔自由，33 歲就潦倒病死。你定會話佢傻仔！
結果，是我們判斷一件事做與不做的重要指標。但人之所以為人，往往有更重要o既考慮。 |
網路會員
|
lollol，吾好介意，老真講，我吾知你寫乜！ |
網路會員
|
更正：「相反，細果可能更糟！」應為「相反，結果可能更糟！」 |
網路會員
|
lollol，我也不太明白你的論點。
如沒猜錯的話，相信你是想說港人，包括板上許多朋友，對“民主”存在不少誤解，對吧？如果是的話，請開寫明白，好嗎？ |
網路會員
| |
網路會員
|
咦！呢條thread同另外由捐錢講到宗教條thread講左咁耐仲咁有生氣真係少見，可喜可賀，當然我都有D責任*_*
我從來都冇話民主唔好，而且民主亦有好多唔同方式，各有所長。呢個亦係香港人宜家要認真討論既事情。我只係睇唔過眼宜家社會上有D人揮動著民主旗幟，樣樣上綱上線，好似搞文革咁，又唔思考一下究竟邊個偷左自已舊芝士，一味識賴人，又講到民主好似仙丹咁，總之藥到病除。但係事實係唔係真係咁好？有野唔妥就入晒人地數當然係最容易既做法，但係咁有何見設性？香港社會有咩野衰，最後都係由我地自已承擔番之嘛。
老實講，我都食左董伯伯唔少苦頭，但係香港宜家咁既境況又豈是董伯伯之錯？又豈是政制之錯？
民主真係進步？從拍拉圖到現在，有出現過民主既國家，民主係屬於邊個既？廣大人民？我都想民主係絕對既真理，咁就唔使咁煩啦！
想清楚你想要既係咩？你需要既又係咩？
再講，中央這雖然唔應承07-08直選，但係宜家胡溫似係傻仔定係似係麻木不仁？中央有佢既考慮，唔係反對我地直選就係衰人。我地唔單只係香港人，仲係香港既中國人！凡事從大處想，就當係忍辱負重一下啦！
老實講，我年輕既時候曾經向往過浪漫既共產主義，後來又參與民運，不知幾興奮！咁又點？不過呢D都係廢話，唔重要。
P.S.美國既選舉人唔單只係選民既橡皮圖章，從美國立國到羅斯福時代美國人都只係選黨，無得直接選總統，總統係黨內高層閉門決定的，呢個就係所謂smoky room政治喇。後來發展出今日黨內民主角逐，候選人先得到黨內共識支持，然候選舉人表明支持黨題名既候選人，再選總統。呢個遊戲規則其實多少歪曲了憲法既原意，但係得到民主、共和兩黨共識，目的係因為咁樣有直選既表象，又可以壓制一D細黨同獨立候選人。試想下，如果你係一個獨立候選人，你如何爭取到各州內一D有影響力既人為你出選選舉人？如何利用選舉人既票源？
至於法國，總統係直選既，但係法國唔係行總統制，法國總理掌握不少內政實權，而總理又係國會選出，所以法國既領導人頂多得一半係直選既。亦係由於呢個制度，當總統由一黨候選人勝出，而總理由另一黨人選擔任時，就要組織聯合政府。
好喇，廢話講完，收檔。 |
|
|
