|
作者
|
討論話題
|
新進會員
|
2003/10/13 17:33
 
器材:
其他 其他
本人星期四就去睇joey演唱會了,多多少少當然想影下相啦,雖然位置應該唔會太
後,大約頭十行之內吧(票其實未到手,不過跟fans clb訂應該唔會太後吧),不過
坐得幾前,都無可能閃得到台上吧,而且我又得機頂燈又無錢買外閃(嗚嗚....),
所以都打算大部份都唔用閃燈,但我又無支大光圈鏡頭,得支騰龍70-300,相熟的
晒相舖師傅就建議我到時用富士800度菲林來影,但又聽其他人講800度的微粒會
粗得好恐怖,所以用400度菲林已經夠用(不過又係一定要富士,用柯達又係死),但
我又怕為了唔手震而用1/30-90快門影出來會UNDER,不知大家有甚麼心得可指教
小弟呢
新手貼文,歡迎各位指教:)
|
新進會員
|
昨晚終於都去了,眼見的跟我想像一樣吧,不少人都名正言順地拿相機影相,真的沒人阻止的...當然我相信不是有關當局不理,因為見有人未開場前拿著DV機影,便被那些保安人員"請"了出去(之後入唔入得返去就不得而知了:P),拿相機的則沒有理會,相信應該是可以影相的吧?不過事實上紅館開演唱會有多少次真的不可以拍照(包括不用閃燈都不可以),真係十隻手指都數得晒,昨晚甚至見有人可以開三腳架,只要你阻不到人便無人阻止,當然我就沒有帶去了.昨晚自己坐第八行,用300鏡夠影有突,不過如果有外閃就更好了,不過相片今日才拎去晒,如果相片出來叫做見得下人的話就post上來給大家梡享吧:)不過有部份用數碼機拍的我已經貼了上部份討論區了
PS.看完離場,見場外已經有相賣了,班賣相攝記果然夠快手..............:( |
新進會員
|
更正上文錯字,是"分"享才對,sorry ^^" |
新進會員
|
有人硬要去做賊去盜攝去做d可恥的事.....冇法啦。
香港新攝影革命尚未成功；同好們仍需努力！ |
新進會員
|
盜攝罪名好大, 就如平日唔依交通燈過馬路, 我睇冇人未試過,
唔通又可以安個罪名叫非法橫過馬路? 有時有ｄ事係約定俗成,
不傷大雅之下, 通常都會通容, 談不上「盜」這大罪.
|
新進會員
|
其實有個問題好想問,如果當時真係所有拍照活動都包括影相視之為"盜攝"的話,
點解我尋日凈係見有關方面捉一個拍DV 的,而唔捉其他用相機影相的人呢?而且尋晚joey見人影相時不時都會望下鏡頭,不論記者還是觀眾,唔通佢自己唔知人地影緊佢?如果係唔影得/唔比影,我相信佢唔會唔知,仲比你任影掛?而且係唔影得的話,班惡死SECURSTAR保安實捉啦.而且講真,小至山頂觀眾的傻機,大至攝記/大會御用攝影師,咪又個個係咁閃燈影相.......
你以為人地真係唔理嗎,但其實好多時都係睇情況而定,好似某大電視台的錄影/直播show觀眾就一定唔可以影相,即使係攝記影相都唔用得閃燈,但以大部份紅館演唱會而言,其實一般都會容許觀眾影相的(即使沒有明文規定..).以今次為例既然大會方面都間接容許觀眾影相,其實是否有必要將之為"盜攝"這麼嚴重呢?
不過既然咁講,其實相關相片又貼唔貼得上來分享呢?!(相片質素影響大家胃口事小,但如果惹人不滿就唔係太好啦:) )
PS.當然,雖然話可以影,但我都覺得影來售賣其實唔係幾應該,特別係那班拎免費飛入場的攝記...... |
新進會員
|
講多無謂, 地鐵唔準任何形式拍攝, 係入面snap又點計先?!
如此情況, 係香港真係好到唔恨, 如果怕毀譽而不拍攝, 我睇香港有一半地方唔準人影相啦....
|
新進會員
|
盜攝就係盜攝。
用如何美麗的藉口也多餘。
當然各人之立場不同；各抒己見也可以。
在私人之地方有權不可攝影。
公眾地方有所不同。
snap?唉！ |
新進會員
|
>盜攝就係盜攝。
>用如何美麗的藉口也多餘。
>當然各人之立場不同；各抒己見也可以。
>在私人之地方有權不可攝影。
>公眾地方有所不同。
-------------------------------
立場唔同當然可以,你唔支持人地演唱會影相係無問題,不過你話人"盜攝"呢個講法係咪武斷左d呢?,不如我又話你用"美麗的藉口"來亂指他人盜錄好唔好?
當然你講得無錯,大會或者場地方面的確係有權,但有權都要適當時間才行使的.舉過例子,同樣係私人屋苑試過有位巴士迷響海怡半島某巴士分站影巴士而被保安人員阻止同驅趕,冇錯呢度係私人地方,合理與否都好,管理公司的確有權阻止.但是否代表我在其他私人屋苑範圍影巴士,不論有無有關方面阻止,咁我又算係響度"盜攝"呢?
講返接近d,其實法例只係規定觀眾唔可以帶攝錄或者錄音器材進入劇院電影院等場所,但攝影硬照的攝影器材則沒有規定,呢樣係視乎場館方面或者大會方面0既要求.好似有一次幫朋友影粵劇相,入場後一般觀眾就真係唔可以拎相機出來影相啦,一定要好似我當時咁有大會方面的攝影工作證先可以影,而且亦唔可以用閃燈..對於容許影相與否,其實每個場所都可能會唔同,所以就咁就隨便將響呢類場所影相就視之為盜攝又係咪合理呢?我唔係想講甚麼美麗藉口,希望你明白我講乜吧 |
新進會員
|
不是甚麼武斷。正如您認為冇錯；要做d咩野您有自由。我也有自由認為係盜攝行為。
我也希望你明白我講乜吧。
合理與否各說各話也可以呀。 |
新進會員
|
>不是甚麼武斷。正如您認為冇錯；要做d咩野您有自由。我也有自由認為係盜攝行為。
---------------------
我當然明,不過你話你覺得呢個做法唔0岩,你唔會做,亦覺得唔應該鼓勵都仲可以,呢個你有你自由.不過你講到一d或者是有關方面容許的攝影行為都形容為"盜攝"..可恥的事,本人就不敢恭維了,正如如果被人老屈你偷竊,我想你也不會好受吧? |
新進會員
|
冇人話容許過可以亂去盜攝；冇人老屈任何人。
如果歪理當正常；就係可恥。
您，本人不敢恭維。係您閣下之事。世界好自由架。 |
新進會員
|
有進步...吓吓吓
自由...吓?!
|
新進會員
|
If we had the law or rule to LIST this thing is wong, than this is wong, that"s simple, if not, that"s right. We"re no need to say who"s right or not, you know, all the RULE is not designed by us......we only need to be a law-abiding people. |
新進會員
|
This a rule-abiding perspective. Yet, Kasan"s perspective is much more demanding...
Can we say someone is wrong merely because of not abiding a rule? Yes, we do in most circumstances. Yet...
Ha ha ha ... he he he.... |
新進會員
|
讀得書少
英文唔會睇 |
新進會員
|
講咩架？ |
新進會員
|
KASAN, sorry! I am learning chinese input now. Whenever I use english, I am in rush and handling many tasks at one time. See if I manage to figure some spare time next week... |
新進會員
|
攝影求遠都有新希望, 呢樣題材唔影, 果個位又話盜攝, 成日只係睇書、睇展同吹水, 根手用吧口革命, 哎!!
|
新進會員
|
3asv71,
I also went to see Joey"s concert last night and I took some photos with flash. The photos are just for my own collection.
However, I will not say that it"s right to do so and I know I was breaching the rules. If you paid attention to the public announcement just minutes before the show began, you would hear that "photography with flash, video taking....etc are not allowed during the show."
KASAN is correct to say that it"s "盜攝". The security guards have the right to kick you out, they just did not do so (maybe because too many people took photots and they did not want to confront the audience). |
新進會員
|
違例就是犯規,沒有被檢控,並不代表合法。(eg:違例泊車、阻街...)
之不過,法律都不外乎人情,執法人員都會睇情況而行動,沒問題發生,就ok啦!但最喜歡加一句"保留法律上追究權利"...
其實是否屬於"盜攝",打個電話問問有關主辨當局不就一清二楚嗎?? ^^ |
|
|
