網路會員
|
除了菲林有度數不足的情況外，其實相機也會有這種情況。
根據以往用RDPIII拍片的經驗，假設該菲林是足度數的，小弟用EOS30，在包圍拍攝的測試下，曝光明顯不足1/3-1/2格。以往在Canon版中也曾經討論過，Canon的相機曝光普遍不足。
不如講番張相...
我硬是覺得是閃燈的問題...背景較主體光是因為背景有上面的三支石英燈照住，而小玲德頓一開始已經說明「酒店小型宴會廳，光線充足」，那麼面部T-Zone位的白光可能是其它光源來的。閃燈根本沒有作用過。
又根據hippo兄所言，以中間對焦點對焦，應該會對到Kenny心口部份，理論上不會影響ETTL判斷而錯誤cut光... |
網路會員
|
小弟基本上不會用評價測光來拍攝,所以不知道中間對焦點對焦的測光範圍有多大?有沒有師兄可以告知? |
網路會員
|
對於Canon機來說，點測光的測光範圍約為整個畫面的2.4%... |
網路會員
|
JamesPong 兄:
我用nikon的...如果是rdp3的話,我的經驗是rdp3本身的問題~
只要光源有點不足,rdp3很容易under...
室內最好+0.7 to 1...
唔知大家覺唔覺 ...?
|
網路會員
|
我個次的測試，是於香港公園裡的那間小白屋(好像叫茶具博物館)作包圍曝光，時間為下午兩點左右，當日陽光普照。
做包圍的三張分別是+0.5、正常、-0.5，明顯的「正常」那一張白屋偏灰色，而+0.5的看上去較為正常。
小弟很少在室內拍正片，不知道RDPIII於光源不足時會怎樣... |
網路會員
|
re: 神我人
正片曝光不容錯誤，光源不足當然會 under。
re: JamesPong
是用相機測光嗎？若果是，白屋當然變灰屋，這是 reflected meter 的特性。 |
網路會員
|
RE Alan，是相機測光... |
網路會員
|
Cloudy:
I usually use neg. , actually i really donno how to tell you why is the film problem, but if you want to prove it, then you can try to take photo in some hotels ballrooms, and use Kodak Iso 400 film, you will know what i say... remember, don't +ev, or set the ISO as 400... actually +ev, +Flash level or set the ISO... depends on whick action you like..
---------------------------------------------------------------------
dennismok, 唔係想同你拗, 不過唔想太多人跟住誤會落去, 我解釋俾你聽：
1. 每架相機既測光都有唔同 (有D over少少 ...... Ansel Adams叫佢做 K factor, 有D over多D ...... 我唔知點解? 當然都可能有D係under既)。
2. 你用乜野儀器去判斷negs既film speed不足? 肉眼可以大約 (非科學化) 判斷slide (pos) 既深淺 (注意：唔係film speed), 但肉眼又點樣判斷negs呢? 我唔識 ...... 我只係知要port curve去判斷。
3. .micros. 講既：***可能係因為菲林對唔同色溫有唔同表現。
日光菲林係日光以外時o既曝光曲線係唔同o既。***
---------------------------------------------------------
a. .micros. 既reply帶出點解測光錶o係 "非日光" 既情況下, 同菲林唔夾。
b. 另外, 一般既測光錶o係 "非日光" 既情況下, 因為無做顏色調較, 所以準確度亦有問題。
5. 有無考慮18%灰問題? 即WlaChan回覆JamesPong：
***是用相機測光嗎？若果是，白屋當然變灰屋，這是 reflected meter 的特性。***
你可以教人o係 "某種情況下, 用某型號相機 + 某型號鏡頭 + 某型號閃燈 + 入某型號菲林", 以你既經驗應該點做 (一般老師傅教人既方法), 但唔好教人 "某菲林film speed高左或低左", 除非你知道film speed係點定出黎, 而又有儀器去証明。
最後, 我想講我唔係有心話你唔o岩, 我只係唔想有心學影相既人俾你既言論誤導 ...... 攝影有一半係Science!
Cloudy |
網路會員
|
The K factor of Ansel Adams is outdated. Most of the current SLR using matrix meter which is NEVER be linear and constant even in the same camera as it works to multiple light patterns within SLR visual.
|
網路會員
|
Cloudy:
我亦無想過同你拗, 或其他人拗.. 因為拗黎無用, 各人有各人唔同見解, 你覺得你正確, 就跟你意思去做, 我覺得我正確, 所以我會以我既方法去影, 大家各師各法... 我只是解說我用的方法...
我想大家有少少誤會, 因我從來(由初攝影到現在)從無相信及使用相機內的測光表, 因我多年前已經知道你地所講果個問題, 就等於P mode, 根本對我地來說是用不著或可說是無用...
我講出菲林ISO不足一定有其原因, 但就唔會好似你所講要用好多好多儀器去証明, 就等於我買部Plasma, 有好多好多你所講既儀器去証明呢部Plasma有幾好, 或者有幾唔好, 但如果你下下信到佢十足, 我諗你買十部都唔夠, 因為佢地部部都話好. 其實我覺得最好既証明係你既眼同你既經驗, 就等於大家去睇紅色, 話就話係100%紅同95%紅, 但你真係分得清? 唔通又要用儀器? Canon Nikon都用好多儀器去設計佢地既相機, 但點解你地又話佢地既相機測光不準, 又呢樣又果樣, 難到你又知佢點設計同生產? 如果係咁, 你又用甚麼儀器去prove佢地係有問題呢?
其實我並唔係就咁用相機之後就話菲林ISO既問題, 你用得影樓器材, 基本上我地係唔會用機上既測光表, 就算外景要用都會在機內作出適當既調整後先會去用, 我諗你又唔會問我你又知你測光表100%準... 測光表都可以微調喎...
有人覺得under半級都覺得張依然相係正確, 有人唔係, 睇自己...
最重要係我唔係一位老師, 我亦不會去教人, 因為我都有不足之處, 就算幫我手工作的其他攝影師我亦不會教他們, 只會大家討論, 然後我先會作決定, 大家合作去交貨...
唔好意思, 如果大家覺得我係教緊你地既話, 真對不起我令你地誤會, 請你自己去思考...
|
網路會員
|
之前講漏左：
Lab沖negs都有機會影響左negs既density。 |
網路會員
|
其實Kodak 200度以上非林都係唔足，好多行家都知，用乜野驗證？我如果用K記400會set去250來影，出黎條底冇over咪最好驗證囉。所以唔係必要我都唔會用kodak非林了。如果真係要科學D，咪set好腳架，set好影樓燈，用測光錶度好晒，然後照足隻錶指示黎影，又over1,2級來影，就知道係真的了。 |
網路會員
|
lawlaw : 你咁講都係唔科學...
因為Cloudy已經講o左
"Lab沖negs都有機會影響左negs既density" 同埋
"攝影有一半係Science!"
|
網路會員
|
"攝影有一半係Science!", 另一半一定係神話.... |
網路會員
|
lawlaw兄, 問題係你點介定 "出黎條底冇over"? 用肉眼定報紙? (註：報紙係古老土炮方法) |
網路會員
|
>用肉眼定報紙?
好似都唔係攝影其中一半, 即SCIENCE果PART....
我好少影負片, 我只可以講, 片UNDER就相變灰及粒子粗, 拍出來至晒成相, O岩ISO係應該有充足而有按近於現場既相片, 顏色不會死實或灰霧. 其他就唔G啦...
|
網路會員
|
超人: 我差D比你句"神話"笑死...我諗科學家影相一定好勁
Cloudy: 我想問如果攝影一半係Science, then 另一半係? |
網路會員
|
條底片over定under都唔識睇？咁我冇野講啦。 |
網路會員
|
負片睇底並無絕對，並不太準確。 |
網路會員
|
負片有片基顏色, 唔同牌子菲林藥物又有唔同人眼可見的色度, 更可怕是整個+/-3級的光差只是記錄在菲林上的大約正片一級光差密度, 老實講, 突然有條友比條負片我睇曝光準唔準, 或沖得o岩唔o岩, 我一真係十萬個sorry, 唔識. |
