ftslee

網路會員

2004/07/13 22:02 請先登入後才可回應

器材: 其他其他

慘！

早幾日影左筒Kodak Tmax 400
拎去元朗沖印城 (元朗廣場後面巴士站附近o個間) 沖曬

今日去拎，點知沖死左卷菲林！
佢話Tmax有一隻可以落機用C-41沖，有一隻唔得。而我o個卷係後者，但佢個staff幫我
拎左去機沖，沖完出黎變左卷透明膠…乜都冇哂！

最勁就係個女仔仲夠膽問我收$10沖費！冇野丫？

心痛一半係因為冇左卷菲林 (好在唔係去旅行影o既野，係我早兩日同朋友個BB女影o既
相)，另一半係因為難得搵到間有心機沖曬o既舖頭，今次咁唔專業真係令人失望。

有關圖片： http://www.fotop.net/3legs/3legs237/

ftslee 網路會員	41) 2004/07/14 15:05 >我地有責任講比人地聽要用B&W Process沖，用為你入左去一間門口大大個字標用"彩色沖印"的舖頭！等於入去西餐廳話要杯茶，唔通人地要問你水仙定香片咩？如果佢話我聽做唔到，冇問題喎，可惜佢接左又唔做死左。茶餐廳呢個比喻跟本唔貼切。 >依家仲要講比人聽，總之要出黑白，人地咪當你"不明來歷"菲林一筒而要用C-41("彩色沖印"舖頭)的，照你要求出黑白，可能係彩色出黑白，所以加$0.2...有乜出奇？你要咁諗冇計啦，如果佢真係誤解到呢一步，而又照做o既話。咁我拎卷廁紙去佢都要照做囉喎？(LOL…忍唔住諗到咁，講下笑o者) >而且玩得T-max就預左自己沖呢下真係唔知喎，多謝，不過個人唔覺得1Ds影完唔tune會乜都出唔到喎。你個例子又係誇張d，而且同擺埋上網冇乜關係喎，我去沖印舖要求沖印咋喎。
ftslee 網路會員	42) 2004/07/14 15:14 >要攞番一筒新既. >唔係小氣, >係教育佢, >係負責任表現明白，等我下次去開，問返佢先。 >間野今次唔夠pro, >唔代表佢完全費柴呢點絕對同意超人兄，也多謝你詳細的解釋，我不是推卸責任，只是覺得他們未能做好他們應有的服務。我理解大家合作會最好，所以我之前在沖印城沖得負片幾好，也再次幫襯過(我去哪裡算不上是「就腳」架，而且要放工趕著他們關門，多搭一程車去的)。我也只是希望找一家做得好的多多幫襯。或許只是找他們做負片會好一點… DIY afford唔起時間同金錢，而且只是學習式的試試黑白菲林了罷。
*香港至NET超人* 網路會員	43) 2004/07/14 16:26 現今攝影變化多, 自沖自晒黑白相好似冇乜好處, 但事實上由自己一手一腳由拍攝至沖晒成一張相片, 是一感筆墨難以形容的感覺, 更不是金錢買得到的喜悅. 而這個學習過程之中, 你會對攝影有另一番感受. 或許你會覺得初期投資不化算, 但事實上亦只是數百元的投資, 買一片貴少少既filter都唔得. 時間反而係問題, 好似我咁懶, 要自己沖片就真係no way. 或許KASAN再開班時你可以參加他的課程, 看看黑白其實是如何沖晒, 一、兩個下午的時間其實總是有的, 只是能否的起心肝鼓起那少少勇氣吧. 至於那店, 算啦, 經一事長一志, 誰人無錯、誰人絕對呢. 我一生沖了萬、千筒菲林, 有幾多不如意的, 如真的要記著, 看來我個腦要幾十公升容器囉, 馬桶咁大都唔知夠唔夠載..... :)
chochris2003 網路會員	44) 2004/07/14 16:30 >DIY afford唔起時間同金錢，而且只是學習式的試試黑白菲林了罷學就應該學全套,而且自己沖比出面街沖要平
G.O.B. 網路會員	45) 2004/07/14 16:37 ftslee兄咪當學下野lor, 講真,有邊個影相未衰過？不過如果自己識多Ｄ,遇到Ｄ傻佬就無咁易中招, 無錯架我都曾經遇過Ｄ晒相舖問返我轉頭："呢隻菲林我無見過,可唔可以話我知點沖？" fine! 咁我咪話返過佢知lor, 好似有時你搭的士,佢唔識路,如果我識會話返佢知,如果我都唔識就再搵第二架的士,懷疑有問題就閃我唔要求的士佬咩路都識,但我要求唔識路就單聲,如果懷疑佢扼你,你自己警覺性都要高Ｄ,唔好老憑信晒佢警訊都話,受害人有時都有責任提高警覺,唔好制做陷阱俾人老點下次小心Ｄ就得
stanley lam 網路會員	46) 2004/07/14 16:51 >>你要咁諗冇計啦，如果佢真係誤解到呢一步，而又照做o既話。咁我拎卷廁紙去佢都要照做囉喎？(LOL…忍唔住諗到咁，講下笑o者) 廁紙...你可以試下..哈哈，回說其實元朗區有不少高手...我都聽過唔少呢句說話：「總之你同我照沖啦，然後出XX色」見過有人筒Slide去C-41沖，個又唔係E沖C，原來用為筒Reala面頭沾了d膠漆，就隨手拿來過期Slide，用黑袋卷翻入去，跟住果句：「總之你同我照沖啦，自卷負片黎架！」而沖印城實在有不少影會朋友幫襯！ >而且玩得T-max就預左自己沖呢下真係唔知喎，多謝，不過個人唔覺得1Ds影完唔tune會乜都出唔到喎。你個例子又係誇張d，而且同擺埋上網冇乜關係喎，我去沖印舖要求沖印咋喎。其實從原因出發，想玩B&W又想去一般沖晒店用C-41沖，又可用T400CN！相反好多入門朋友報左黑白沖晒班，才買筒T-max影！(並非講緊有經驗的朋友) 用得1Ds呢dPro.機，應該識上網掛，要明白，T-max話晒面頭都標明"Professional B&W"，預左比Pro.用，亦假設買果個人應該知道自己做緊乜！最後，其實如果你不滿意"沖x城"，大可以去附近"幻x"，你同一卷Reala去兩間各打次！
stanley lam 網路會員	47) 2004/07/14 16:55 香港至NET超人: >>或許KASAN再開班時你可以參加他的課程, 看看黑白其實是如何沖晒, 一、兩個下午的時間其實總是有的, 只是能否的起心肝鼓起那少少勇氣吧. 如果你先去KASAN處一趟，所有問題都不會出現！
ftslee 網路會員	48) 2004/07/14 18:15 感謝諸位高手的意見，學你地話齋，今次當係交學費了 :) 其實先前只不過想發洩一下不滿的情緒，現在平伏了，還想不到得到那麼多有用的資料 ^_^ 我會努力了，大家也一樣。
Peter LO 網路會員	49) 2004/07/14 18:17 學會沖晒還有另一好處，就是商家出事後點紅點綠時，你有足夠知識直斥其非。如KASAN那處有彩色沖印課程的話，學埋也會有用武之地。
Peter LO 網路會員	50) 2004/07/14 18:18 Stanley兄，睡眠不足語氣重了，請原諒。
Eery 網路會員	51) 2004/07/14 19:19 >konica vx-400 (唔記得個名), >都幾難搵吓. Konica Monochrome VX400 對面幻影有 :P :P :P
神我人網路會員	52) 2004/07/15 00:16 當塊圖尾同我講沖tmax要10個工作天既時候....@_@ 我發現我係時候要去拜會何生了...
ericyuen84 新進會員	53) 2004/07/15 01:02 其實客觀d咁講，大家都有錯。 t-max 係pro既film，用既人都有責任，你去沖正片，唔同人講，人地都可以e沖c啦， ftslee兄都有責任。而間舖我都成日去，不嬲d質素都唔錯，人地雖然有錯，但係都唔駛咁講野。最重要係人地有無收錢，如果你想人地賠film，你有無request 呀
ericyuen84 新進會員	54) 2004/07/15 01:13 而且用t-max唔係話一定要自己沖，不過自己沖可以控制既野多好多，好玩好多，你可以試下。如果自認唔pro就用tamx cn 雖然反差會差d，不過就一定唔好話自己唔好彩。係人都有失敗過，你如果真係連t-max 都唔知要手沖，又真係唔可以一味怪人，反而要重中學習。仲有去全香港手沖都一定會貴d，你晒相時人地無話你知，你就要醒啦。
ericyuen84 新進會員	55) 2004/07/15 01:22 仲有手沖點會一日比你呀真係要用下腦而家我都重中學到野唔pro千祈唔亂用，應該要好好學習。影相真係有好多野學 ftslee兄唔好埋怨啦，好好學下啦
Cloudy 網路會員	56) 2004/07/15 03:04 問題 1: 點解用家買筒B/W試影, 但咁多人 (not all) 覺得用家要專業過間shop? 唔識都可用T-max掛? 問題 2: 點解以前 (20年前) D一小時店識分邊D菲林落得沖機 (20年前我做過幾間, 呢點我可肯定), 而家咁多人 (not all) 認為佢地唔識好正常? 大家試諗下第一次影菲林既時候對菲林既認識有幾多? 咁你地當時會唔會覺得自己要識好多野先買第一筒菲林影相? 如果ftslee兄影B/W under, out-of-focus, 手震, 呢D絕對係佢既責任, 但至於菲林落錯沖機, 呢樣唔使拗啦掛?
ericyuen84 新進會員	57) 2004/07/15 08:51 cloudy 其實唔係話用家要比舖頭專業，最重要既係一筒菲林係唔偽用e-41沖，一個影友一定要知，舖頭的確要pro，但係要明白既係而家已經唔係20年前啦，以前人人玩b/w，你做緊係一定要識啦，但係而家已經好小人用手沖b/w film，人有錯手，一時睇錯真係唔奇。身為影相既用得咁pro既film係有責任識，我就唔覺影相只需要理out-of-focus, 手震，我認為反而要從film、相機、技術，一步一步咁去學，都係果一句，大家都有錯，我相信ftslee兄都想影得pro，咁我就建議一定要逐樣學，唔可以未學行先學走，只顧影其餘一概不理。
ftslee 網路會員	58) 2004/07/15 09:54 感謝Cloudy兄為小弟據理力爭，不過聽過咁多朋友發表，大概大家都覺得現在的舖頭質素太參差不齊，所以對影相認真的為了保障自己一定要多一點了解。我想這大家都同意吧？回應ericyuen84兄弟，我不是「特登」走去買Tmax而不了解的，我自己買的菲林會找reference了解才買(因為是錢錢嘛)，我記得初次買slide時也找了一些關於該正片的效果、spec之類(主要係睇下佢靚唔靚啦，影咩同點影會靚d)。那卷Tmax是我一位朋友借給我玩票性質的試試。不過倒沒有想過要替舖頭決定怎樣沖，我以為最多不過效果差一點吧(如果顏色、contrast等有問題，我不會complain的，因為我自知不懂得specify要甚麼效果)，不過現在甚麼也沒得看，又知道是他們落錯了機，所以才到這申訴一下吧。好像Cloudy兄所說，我不認為我會比他們更pro吧…(原來這個assumption要改了)，至於Cloudy兄第二個質疑…我想信是現在的店員(部份啦當然，不過可能是大部份)質素太差了吧… >仲有去全香港手沖都一定會貴d，你晒相時人地無話你知，你就要醒啦。 >仲有手沖點會一日比你呀真係要用下腦我第一次沖，真的不知道。雖然你玩在告訴了我，不過ericyuen兄的語氣也有點…「唔使咁講野下話」 anyway，經各位提點，我今早打過去要求賠償菲林，他們倒也承認錯誤並著我有空去拿回一卷Gold以作一點賠償… 他們的態度很好，我想我會再光顧的。
*香港至NET超人* 網路會員	59) 2004/07/15 10:16 廿年前, 沙龍大行其道, 沖晒店不多, 開店的對攝影知識比現在開店的人, 普遍都多及專業. 廿年後今日, 玩黑白的人的比例非常少, 店家亦可能是新生代, 對黑白菲林可能都是一知半解. 我唔可以講邊個錯, 錯係雙方面的事, 店家唔專業, 拍者亦有責任. 如果以拍攝者當波咁一腳交比沖晒店, 呢個已經係態度上的錯誤, 作為廿一世紀商貿社會使用者, 應該明白錯誤無處不在, 的士可以行錯路, 櫃員機可以食錢, 電腦成日hang機, 連我新order既蒸餾水機都可唔送來(全世界最大汽水公司出品)..... 作為服務需求者, 冇基本認識最終蝕底都係自己, 我好唔讚成任何人一問三不知就做一件事, 我們在談攝影, 連菲林係點處理都唔知就去影, 將責任交由店家, 又要與眾不同的條件之下操作, 這樣與買大細冇咩分別, 衰左抵瀨, 或者鼓勵/聲援當事者抵瀨, 實在不要得! re:ericyuen84 你講得好o岩, 認真攝影, 不只是擺玩相機與及入菲林, 菲林處理在我的重要性排名中, 求遠都係第一位. 不過, 菲林pro或民用, 並不是重點, 用家要做好一件事, 就要認識手上材料及工具, 菲林攝影就是要在菲林上產生影像與及交與適當店家沖洗, 甚麼菲林都只是特性分別, 操作過程還不是一樣嗚....
ftslee 網路會員	60) 2004/07/15 10:50 超人兄，你這樣說不對，一個不懂沖印的人去沖印店沖印，由於片子太特別，他們不會做，結果把片子還給我，那很好，我去找第二家。現在他們不會做，卻給我做死了片，那又怎麼說？照閣下說，閣下order的蒸餾水機沒有來，你事先有沒有了解他的水機從哪裡來，有沒有了解他的水機生產過程怎樣？的士行錯路，如果那位司機沒有表示他不知怎樣去而行錯路，你會覺得責任在自己嗎？好像混淆了消費者和服務者的責任和角色。明白錯誤無處不在是一個問題，他們出現錯誤是另一個問題，請分清楚。當然「冇基本認識最終蝕底都係自己」是肯定的，因為我的片子也沒有了。