|
網路會員
|
人際關係代言人
我每次睇見拒咁失敗，就看見拒輸掉一份尊重和某種關係。
|
新進會員
|
笨超兄...
你今次講緊邊個?? ^.^ |
網路會員
|
笨超講自己.... ^_^
|
網路會員
|
RE:沐雪
中共唔係唔知問題, 而係視而不見, 次次都伙免強過關就算.
試想想, 一個咁多貧民既國家, 點會有咁多外匯資產?
|
網路會員
|
其實鄧小平係無間道，表面上開放走資，實際上通過“讓沿海地區先富起來”的理念製造巨大的貧富懸殊，為進行另一次無產階級農民起義醞釀條件。
（我亂蓋的，不要理我！） |
網路會員
|
michael luk：「有人說，一人一票是平等的，我同意，但絕對的平等是重要的嗎？
如果你追求絕對的同意，那麼你根本容不下資本主義，因為資本主義將僱主剝削勞工階層合法化、合理化......這是經濟上的不平等。」
michael luk，你說的是結果的平等，跟機會平等是不同的。剛剛與你的理解相反，機會平等是現代資本主義的一個大原則；而結果平等卻是馬克斯主義的目標。
機會平等是重要的，一個經典而簡單的例子：跑步比賽。人人在同一位置起步，雞聲一嚮，個個向著終點跑，輸蠃看本事吧。
結果平等是一個偉大的理想，可是各個社會主義國家都曾經為此付出沉重的代價，大家心知，在此不贅。
所以 jubowo 兄，雖然看得出你一番苦心，但我覺得你的建議亦是走了結果平等那條路，而犧牲了機會平等。如果設計一個選舉制度，硬要那一類人不能當選，那就失了選舉的意義。亞戊亞壽參選，要有人選佢地得架？除非你認為社會上個個都係亞戊亞壽啦。又，真的有亞戊亞壽當選，做得吾好，下屆仲選到咩？
另外，jubowo 兄，我亦不明白何以改改功能組別就可以照顧少數社群利益。如同性戀者、單親家庭、少數民族？ |
網路會員
|
心急人兄，macroadster兄：
兩位既質疑越來越到肉，從原則問到細節，如果香港的立法會議員識得好似你咁問野就好囉，一日只係識得問人道唔道歉、辭唔辭職之類，唉！好，講番「正」題！
1. 專業門檻既問題當然要考慮，若專業門檻太高，令社會上只有極少數人可以跨過這門檻，又或者這個專業制度被當權者濫用的話，實際上便約束了人民參選的自由。所以在設計這個專業制度時就要考慮周詳，對專業要求作出適當平衡，一方面確保合資格者的專業質素，另方面不可讓大部份意從政者因為門檻太高而對從政失去興趣，亦要確保設計這個專業制度的監管者不可扭曲制度以限制合資格者的人數製造政治權貴。借鑒其他有專業機制的行業，我睇這個應該不難做到，因為香港各個專業團體對專業人員既要求都甚高，但香港並不乏有質素既各種專業人才。所以只要實施得當，晌呢個政制下，依然人人都有權參與，個個既起部點都一樣，但係D選手經過訓練，跑得快D，比賽會好睇D。
2. 點樣確保專業訓練既有效性呢個問題我答你唔到，小弟自已對政治只係略懂皮毛，對教育更加係一竅不通，扮唔到專家。但以我粗略睇，如理科人才如醫生、工程師；文科人才如律師、哲學家、音樂家；商科人才如會計師、行政人員、社科人才如社工、新聞人員等等，都可以透過專業訓練培養，點解政治人才唔得？況且，現今差唔多每個行業都向專業化發展，最明顯既好處除左提高質素外就係令從業者的質素有客觀標淮。再者，得到專業資格唔等於一定可以從政，仲要通過選舉既考驗，得到選民既認同至得，咁樣不但唔會因為少左人有資格從政而影響選舉既競爭性，反而會提高比賽本身既質數，因為參賽者個個都有番咁上下，屎極有限。反觀現制度底下的政治人物質素如何，大家心中有數，訓練下佢地唔好咩？
3. 至於代表性方面，雖然話大家都係受同樣訓練畢業，或者考同一個公開試，但畢竟個人民族、背境、理想、立場、政見、專長等等都會有唔同，唔會好似啤出黎一樣既。考取專業資格後佢地亦唔係由政府派去各社團做代表，而係應該好似宜家咁，要自已爭取支持，佢地既表現當然亦係由選民直接監察。最重要既係，我建議既呢個專業議會制度，並非要來取代政黨，政黨繼續發揮佢既功效，為民請命。
4. 功能組別如何照顧少數社群利益？原理好簡單，舉例說，香港印度裔人少，居住地區又分散，如果分選區直選立法會，佢地既代表好難當選。於是，印裔人就好難去到立法會。但係如果印裔人有自已既功能組別，立法會就一定有印裔人既聲音。究竟功能組別要劃分得幾細致？同性戀者有冇？單親家庭有冇？呢樣就要再討論喇。
5. "民主集中制"??真係考起！
沐雪小姐，超人兄：
我唔相信中共中央係盲既，亦唔相信佢地係視而不見，客觀地睇，國內樣樣野都改善緊、進步緊，至於快唔快就見仁見智喇。點解報不報憂？中國九萬幾樣問題，新聞報導要幾長至報德晒?其實呢，我話中國問題咁複雜，人又咁多，中央最怕就係亂，唔亂可以慢慢搞，唔掂搞到掂，一亂起上黎以前累積落既改革成果好容易一下付諸流水，分分鐘輸凸，咁咪低調D囉。貪污、欺詐呢D問題，只係表象，癥結係制度問題，制度呢樣野要改就有排改，操之過急由唔得，都真係幾頭痛！
仲有，超人兄，呢個世界君子永遠都好難同小人鬥。君子會心直口快，小人會捉字虱，君子會用佢既時間黎唸D正經野，而小人就會用晒全部精神黎唸D蹺崎野黎蠱惑人，有咁絕得咁絕。你同佢玩，咪盞浪費時間！呢個又係制度問題，你又唔可以唔比人講廢話，限制人地言論自由，係咪？如果你覺得有人講既野過份到構成誹謗，你可以記錄低D罪証，第日告佢囉！如果唔係，你冇理由夾硬要人尊重你架嘛！
|
網路會員
|
Re 超人
我覺得佢地似細路仔曾野玩多d, 明知件玩具唔會到佢手, 寧願來一招一拍兩散, 打破件玩具等大家都無得玩.
唔知有無記錯, 講部長制時佢地講過佢地只係做反對黨, 唔會做部長, 執行政府政策.
無一個社會會係好到唔洗改架, 依家香港係唔係周不時有解放軍, 什麼國安警察去拍門捉普通市民, 一或有人駡過領導人批評過左派後無故失蹤. 一或你的自由受阻呢?
無錢既人會唔會係香港餓死? 會唔會無地方住? 會唔會打3條9無人理你? 入醫院無錢會唔會無醫生醫你? 會唔會因為無錢要睇醫院面色? 無錢? d 社工幫你填表申請綜助, 揾屋俾你住都重得, 有幾多個地方可以做到咁呀? 一家幾口唔洗做都有政府樓住, 有一萬幾千過活. 重想點呀?
唔通話香港交通唔好唔方面, 治安唔好, 警察保護得唔周全.世界上如果分上, 中,下三個等級既所謂"好唔好"社會, 香港一定唔會入下等. 不過唔係人人會珍惜現今所有的.
香港有什麼唔好, 有一定有. 起碼我覺得好多人都係太過自私自利, 連最基本的遵重自己, 遵重他人都唔認識,唔會去做, 惶論一人一票.
|
網路會員
|
如果只滿足於基本生活, 與及每每以事不關己的精神處理,
這樣, 全世界都有立足之處. 但香港不是第三世界地區, 人
均收入高, 董老賊大口一句六成人有學位, 金融貿易都已經
是世界一流城市之列, 就就偏偏沒有民選的行政長官, 更沒
有負責任的行政及立法機關. 行政局既由非民選長官出任,
正真是向誰負責, 相信已不同多問, 立法局又是半個小圈子
選舉而成, 只有執法及懲教是接近中立, 這樣的政府, 與落
後地區只有丁點分別, 可是親中人事卻厚顏無恥的說亞洲四
小龍! 實際點可以用日本、台灣及南韓比較呢!
民主派未必是最好的, 但沒有選擇之下, 又真的是更好嗎?
如果香港人都是短視及利字當頭, 誰個上場都死, 作為冷眼
者, 最好早點移民.
|
網路會員
|
超人兄：
我知你相講乜，你既不滿亦好合理。我亦同意香港有好多急須改善既地方。但係你舉既例子我就覺得唔係幾恰當喇。日本近十年來經濟一直冇好過，窮人越來越多，你去東京D火車站、地鐵站同公園睇睇有幾多露宿者你就知香港人有幾幸福。但係幾十年來自民黨落過台未？十幾年來日本守相小泉係第一個做多過三年既，但係政權就一直牢牢咁掌握在自民黨D權貴手裡。台灣自重民進黨上台以後越來越腐敗，D意識形態同共產黨冇乜分別，總之你唔支持民進黨就唔愛台灣，唔愛台灣台灣就唔愛國、就無資格做台灣人！搞到台灣民眾大分裂。呢D法西斯式既民主，對社會有好處咩？南韓政治醜聞不斷，任何野都可以要來做政治交易，就算換左總統都唔好得去邊。印度、印尼、菲律賓、新加坡就更唔使講。縱觀整個亞洲，我真係搵唔到邊度地方既人民大聲過香港人。香港雖然有不足之處，但亦無須長他人志氣滅自已威風嘛！
還是lollol兄o個句，要懂得珍惜呀！ |
網路會員
|
全救經濟就來一體化, 某地區或國家的經濟不是獨立問題,
日本的問題是人工高、地貴與及終生聘用制, 沒有軟梗著陸
之下, 很多企業都沒有辦法做落去, 或者要將大部份勞工密
集的工種外移, 同樣一樣影響廣大勞工階層.
但日本、台灣與及南韓等, 有沒有因為經濟太差而10%人口上
街? 分別就係呢度, 因為佢地有權選擇, 根本不同破釜沈舟.
再者, 今次經濟再好轉, 根本全靠中共放人下來自由行, 這
類經濟只是虛火, 試問一個沒有製造業的地區, 又如何可以
久安? 正如有天中國沒有農民, 中國就成功嗎? 香港的根本
問題是工種不均, 與及人口老化, 這不是錢可以解決的問題,
任何派別上場都會頭痛, 加上中國成功加入世貿, 中國大城
市的增長有目其睹, 香港無論在轉口及購物地位, 遲早都不
保. 不要忘記政府為填財赤, 早已想著銷售稅及爭值稅, 香
港簡單稅制及低稅率好處, 又會隨之消失.
|
網路會員
|
咁香港即係死哽啦！ |
網路會員
|
經濟是有週期性, 短則十年, 長則廿年, 香港九七後過熱, 冇十年都冷卻唔到.
而日本就衰左十幾年, 已經轉好不少, 雖然仲有好多問題, 但大至上已經過了
谷底. 台灣及南韓在金融風暴中很強, 因為人均收入仲未算好高, 而且有製造
業打底, 經濟好易轉好, 因為有外匯.
回說香港, 外匯收入主要是投資, 如房地產及股事, 這些都是熱錢, 來得快又
去得快, 正苦是東作鞏固兌換率, 十分被動, 錢要走亦無可阻. 其他轉口及貿
易生意, 基本上都是水尾, 李超淫都講明投資係香港得一成啦, 大家都知咩事!
香港係唔係玩完, 仲要睇新生代點樣建設香港, 香港要搵既係生錢, 即係外匯,
塘水滾塘魚既日子大家97試過晒, 今次自由行就係生錢, 不過救得一時救唔到
一世.
|
論壇版主
|
正一泡沫經濟啊...!~ |
網路會員
|
>>縱觀整個亞洲，我真係搵唔到邊度地方既人民大聲過香港人。香港雖然有不足之處，但亦無須長他人志氣滅自已威風嘛！
還是lollol兄o個句，要懂得珍惜呀！
jubowo君:
分析得好啊!
>>但日本、台灣與及南韓等, 有沒有因為經濟太差而10%人口上
街? 分別就係呢度, 因為佢地有權選擇, 根本不同破釜沈舟.
我相信遊行和民主無關....有遊行不代表甚麼,不會破釜沈舟吧!這只是一個公民權利,民主政制下,平常得肯,不是負面。
小弟覺得日本的問題在於銀行壞帳問題,因為以往過度放貸所致。而高成本以往一向都是,先進國家的生活指數高是理想當然。日本人傳統很服從,他們沒有遊行習慣,有的亦只是小規模,不滿嗎?我覺得他們會吞下肚,忍氣下去.....投票嗎?他們更保守......由財閥決定吧!
而南韓經濟有起色亦只是小陽春,主要是靠刺激國內消費帶動經濟,而方法就是政府鼓勵國民使用信用卡借貸,現在開始爆了,個人破產數字急升,信用卡公司和銀行叫苦連天,再來一個骨牌效應.....南韓人則絕對有上街習慣,好激烈那種。
香港人遊行,是和平那種啊!只為表達意見....
反而,我們的政府就偏偏把遊行視之而不見.......只關心如何報細數。 |
網路會員
|
>>加上中國成功加入世貿, 中國大城
市的增長有目其睹, 香港無論在轉口及購物地位, 遲早都不
保. 不要忘記政府為填財赤, 早已想著銷售稅及爭值稅, 香
港簡單稅制及低稅率好處, 又會隨之消失.
jubowo君:
照這樣來看,香港又無咁快死....過多幾十年就難講,總之同時間競賽。
香港加稅的都是消費稅,吸香港市民血,幫財赤止血。遊客嗎?可以退稅....況且,相對黑店騙他們的錢....果d d稅小事啦!(講笑)。
對投資者而言,這更無影響,香港的利得稅率相對國內仍然很低,亦較國內簡單十萬倍.....國內稅項複雜到唔識講...但很多人無交足,賄賂逃稅多。 |
網路會員
|
到今日,還淨分析香港形勢好壞,又有何用呢?
香港有甚麼好和有幾衰,學者專家分析不少,有安撫,亦有恫嚇。
都講了咁多年,但就從來無人可以從中推論,指條明路給香港行,轉型甚麼?
摸著石頭過河,都要知方向,家陣越行越深,水浸眼眉.....
董事長這隻牛就最落力,在側邊叫口號和邊做下人體實驗.....他想睇下香港死左未,睇下去到邊個位才真死....未死的話,再繼續做.... |
網路會員
|
咦！我仲以為香港定位已經好清楚，乜唔係做金融同物流咩？
我覺得宜家香港既處境一D都唔差，雖然有D危機感係好既，不過如果危機感演化成末世心態就好唔健康喇。對於香港既經濟，中央同港府都有政策同計劃，但係真正落實呢D政策同計劃既唔可能係中央或港府，政府冇可能教完你點扒飯仲餵埋你食，令香港成功既係我同你，令香港失敗既亦係我同你。
我覺得香港人現在所表現出來對政治、對經濟既恐慌係源於我地對自已冇信心。以前香港搵食容易，晌地盤做札鐵都可以搵二千蚊日，抄下樓又可以魚翅撈飯，宜家要腳踏實地做人就覺得好艱難，面對挑戰又唔知自已憑乜野可以贏到人地，於是就產生一種無助感，好似樣樣都無把握，又唔知點算好，所以就奢望簡單地換左個政府就可以扭轉形勢。
歸根究底，香港人要重拾信心打贏，晌中國甚至亞洲鞏固自已既地位，唯一既辦法就係自已有真功夫。點至可以武功蓋世就要大家心知肚明啦，凡事都係冇捷徑既。 |
網路會員
|
咁香港地位係? 就係物流及金融? |
網路會員
|
Most people don"t really understand what is "物流" even though they always mention it.
|
|
|
