網路會員
|
>黑啤會飲飽咩?
比其他酒都飽, 仲可以好飽及有益心臟.
其實冇話LOMO及傳統相機合唔合得來, 本來就係兩個方向.
但當牌子酷愛到某時, 就會出現自我麻醉, 將缺點當冇事,
甚至是美化. 久而久之, 對攝影的理解都可以改埋.
以我理解, 任何藝術都是人與人溝通的媒介, 試問你會唔會
想同一個連自己做緊乜都唔知既人溝通? 八O下掛我就會,
溝通就唔好.
人之為萬物之主, 就是因為我們有意識, 及那強烈的組織及
計算能力, 以這些為基礎更發展至預測未發生之事. 攝影與
其他手藝都一樣, 智慧、知識、感情、理智及預測能力都可
在適當運用時使工作做得更好, 而不須要純靠掽個彩.
攝影的原動機人人唔同, 但這個要花錢及時間的嗜好, 必然
是理性範圍可解釋, 而不是盲目亂來. 就算好似拋相機撞彩
影相, 作者都有意識要與另一朋友夾定, 起碼唔好跌爛部機.
對於"don"t think", 那實在是一大諷刺.
|
網路會員
|
老實講，係香港show off 4x5，都幾得既。。服你。。
但係冇用。
係外國小毛見大毛。 |
網路會員
|
你所指既[外國]離香港有既遠呀?
^^ |
網路會員
|
大過45, 先天問題係菲林, 有機買唔到菲林既感覺, 我唔想發生.
8X10唔係咁咁大不了, 但機大成咁, 腳架都要5號, 冇車又去得幾遠?
但45唔同, 我既行山方案包埋腳架及垃垃雜雜, 15KG已經起行. 呢個
負磅仲算輕鬆, 起碼多次上獅子山、大東山、及鳳凰山等. 如果係
8X10, 太平山行遠Ｄ都有困難.
唔係大就好既, 工具你要配合需要、個人條件及環境限制, 學問大把,
絕不是"don"t think, just shoot".....
.ps 45打一張連沖, $25冇找, 食我早餐加下午茶...
|
網路會員
|
比其他酒都飽, 仲可以好飽及有益心臟
>啤酒用麥做，所以好飽肚，至於有冇益就要睇下飲幾多啦，酒幾乎係世界上最有營養既食品，但係內含既酒精始終有害處，所以當飯食都係唔得既，但係一日一杯就好有益
一支啤提供既熱量超乎你想像，揹45行山影相又唔係日日影，你行完飲幾支乜都返曬泥~
45唔同, 我既行山方案包埋腳架及垃垃雜雜, 15KG已經起行
>咁真係幾輕喎，好佩服玩45機既人，帶一大堆野上山影相~~
不過我有d懷疑用45機既人係咪真係成日放大?淨沖都$25，出埋相咪破產?
定係淨係玩果種過程? |
網路會員
|
我淨係影slide, 極少放相.
放相時, 係lab做根本唔理張底有幾大, 只係計張相有幾大.
我影相, 好憎、好憎、好憎果ｄ準備功夫及過程, 要講粗口
咁憎, 我只係鍾意睇作品果十秒八秒.
啤酒的確好大熱量, 但唔好睇漏, 我飲啤就唔食o野o家啦.
有ｄ啤酒好明顯一飲就大肚脾, 例如藍妹, 點解咁好飲咁易
入喉? 唔係冇理由既.
行山時, 我都極少食o野, 行足十小時, 我都只係食半磅火腿,
仲唔係因為肚餓而食, 係因為流汗太多缺鹹. 我試過唔只一次,
行十個八個鐘勁山, 落左山當然隊啤當食飯, 第二日磅, 係可
以輕3~5磅, 如果當日行完即磅, 輕5~7磅到啦.
|
網路會員
|
1. 我都很讚賞 Magnum 的 photojournalism -- http://www.magnumphotos.com但我對 photojournalism = 真實性 有保留 這真實性可能是攝影師內心想追求的價值 但觀眾眼睛看到的是另外一事 真實性 & MEDIA 媒體 有不尋常的關系 什麼是 100% 真實性 ? 相信 100% 真實性 , 歷史許多實例証實這是危險的事 2. 大體上人性是追求進步 , 包括科學 / 文化 / 藝術 / 技術 / 攝影配備 / etc sharp / 曝光 / 構圖 / photojournalism / etc 這些攝影價值幾十年前已經確立許多 LOMO 創作思想方面 , 是大改變 , 這是我讚賞的 可能 DON"T THINK (slogan) 問題 , take it easy 我不相信全部 DON"T THINK , 舉起 LOMO 機 , 想拍 LOMO feel 照片 我相信是 DON"T THINK sharp / 曝光 / 構圖 / etc 這些普通攝影價值 人的行為 ( 包括攝影 ) 受自己的文化 / 歷史 / 記憶 / 成長 /etc 影響 , 更有潛意識 很難說這次是 100% DON"T THING , 下次是 50% THINK + 50% DON"T THINK |
網路會員
|
我淨係影slide, 極少放相.
>45slide，仲爽過睇相，仲洗乜出相=_=
放相時, 係lab做根本唔理張底有幾大, 只係計張相有幾大.
>係嫁咩??我都想問好耐嫁啦，初初入手扎時有人同我講話120仲平/抵過135(包括菲林及出相)，後來查清楚後發現完全唔係果回事，但係個post太耐，我都搵唔到啦
如果當日行完即磅, 輕5~7磅到啦
>咁誇張?會唔會有一部份係水份咋? |
網路會員
|
攝影是創作 |
網路會員
|
用句號.
問號?
定"!"好!
諗諗先~ |
網路會員
|
>咁誇張?會唔會有一部份係水份咋?
當然唔會全部都係肥羔....
>什麼是 100% 真實性 ?
攝影並無movie, 真實性已經比不上. 但追尋事實真相, 是精神, 是創作的方面, 有幾真, 好多時都受客觀因素影響.
|
網路會員
|
>>我相信是 DON"T THINK sharp / 曝光 / 構圖 / etc 這些普通攝影價值人的行為 ( 包括攝影 ) 受自己的文化 / 歷史 / 記憶 / 成長 /etc 影響 , 更有潛意識
>>很難說這次是 100% DON"T THING , 下次是 50% THINK + 50% DON"T THINK
睇番Lomography,再睇睇十誡中的<5. 唔洗諗>....又理解到多一點 ^^
應不是極端叫你不用腦!若真係理解成不用腦亂按,咁就真無bvvw....
意思應該是不用遲疑,立即抓緊生活的點滴,拍下它....不要想太多技巧上東西
人個腦點可以停下來? ^^ |
網路會員
|
同意duncanwong 睇法
|
網路會員
| |
網路會員
| |
網路會員
|
對於拋機拍攝....我都有點想法。 ^^
無論你怎樣隨機性,人個腦都不會停下來,本能上總都會有點預期,被環境因素決定....
例如:在銅鑼灣街頭向上拋機自拍,自然預期拍到的是拋機環境四周的景物,隨機的是構圖,拍攝角度...etc
銅鑼灣拋機,真的唔洗諗,絕不可能出現旺角街頭!拋機拍攝之前,其實已經自然想到拍得的內容會是拋機點的事和物。
不過,唔知啦!大家都討論了咁多,小弟個人覺得對於Lomography(好多事情都是),不要單從字面和只從某一部分來解說,應看上文領悟下理.......^^
當然,每個人的理解力都不同,睇法自然不同。LOMO人理解完後,自己亦可以再體會一番,又可作出一些新玩法.......雖然形形式式,無窮無盡....但精神基本不變。 |
網路會員
|
Re: Vincent★帝國天使
Van Gogh...... 我是打從心底欣賞他....
但我不想學他那樣....
在有生之年從來無人買過他一幅畫 (唯一的一幅畫也只是他經營買賣畫作的弟弟, "做馬"買來讓 Van Gogh 開心.....Van Gogh是不知道的)
面對現實, 我不想學他那樣.... 生活顛沛流離.... 最後連妻子都離去, 無朋無友.... 即使... 其生命的堅持/熱情... 直到永遠都是不變...
但可以的話, 我真的想學習他的精神....
所以^_^, 如果是痴人說夢話, 我會想學Picasso吧!
有錢, 名氣, 才華於一身, 有上天的安排 (其父是博物館館長), 有後天的努力..... 同樣...其精神可以恆久...永遠...... |
網路會員
|
Hello 心急人YL
多謝你 1 個知音人 . . . |
網路會員
|
拗黎做乜，emotional benefit一向無得計，無得討論
如果人家淨係拎住，look & feel，隨便影已經drive到佢開心，唔係個個人都跟住Lomo rule。有人甚至係當裝飾品，就好似瑞士刀咁，袋落有feel，需要時可以用，但作為匙扣亦無不可
咁又點計呢，一樣米養百樣人，攝影都有好多種，執著於器材誰好誰壞，沒有辦法放鬆心情影相
我自己唔係Lomo人，但如果監粗批評佢地係乜乜物物，咁只顯得大家對影相所能帶來的樂趣，仲未夠了解，未夠包容
就好似有人鍾意Porsche，有人鍾意Mini Cooper，唔通鍾意Mini呢種唔多認真的車的人，就係無聊咩；人地都可以話你唔識欣賞Mini個種味道，咁拗落去除左只可能滿足拗得比較大聲的慾望，其實毫無建樹 |
網路會員
|
不如講講創作方面
我自己係做廣告創作的，所以可能比較能夠講句話
創作好簡單好簡單講，分brainstorm（想很多點子，不斷試作新可能，提供材料給下一步的執行）同craft（選定了主題，用力雕硺）兩階段
好多人著重craft得張相好靚，著重技巧，於是就否定左brainstorm的重要性，亦忘記左有好多好作品，係要傳達的意念已經好強好新，再多的craft反而會破壞或淡化個message
所以我做個好粗略的比喻：著重攝影技巧的人係較著重craft的，係想按某一主題盡量表現得最好；Lomo的人則偏重brainstorm過程，成像技巧未必很完美，但搜尋新主題，不見得不是創作的一種 |
