laipeter93

網路會員

2004/06/08 20:38 請先登入後才可回應

器材: 其他其他

剛才坐巴士由小西灣去北角港運城，途中在小西灣道上左一批剛放學的小學生。當巴士抵達興華邨時，見到有個小學生手拿著遊戲機，向司機大叫「落車呀!!」。

嘩....落車唔打鐘通知司機，已經係一個問題啦!!加上用D咁既態度向司機講野...乜野態度呀??同車有個婆婆已經話 : 「你顧住響巴士上打遊戲機，到站當然唔知道落車啦!!」但是果位小朋友不以為然，繼續響度大吵大鬧。終於，連坐響司機隔離位的我，也忍不住出聲，話果個小學生的態度十分差。

當時我說 : 「細佬，你呢D到底係乜野態度呀??家陣係你顧著打遊戲機，到站唔知道要落車咋喎!!你落車唔打鐘通知司機，做法已經唔適當啦!!仲響度大聲夾惡、大吵大鬧。你有無禮貌架??你現在呢D咁惡劣既態度，個巴士司機係咪一定要「老奉」開門俾你落車呀??一句"唔該"都無!!」

最後，巴士司機都開門俾果個小學生落車，不過仍然埋怨他態度惡劣。

真係現在D小學生的待人態度差到咁離譜!!!

:mad: :mad: :mad: :mad: :mad:

Peter LO 網路會員	1) 2004/06/08 20:42 知道是哪間學校嗎？
oliver_sstang 網路會員	2) 2004/06/08 21:14 現在連D大人都是這樣! 有次在吉之島見到一對父母帶著個小朋友shopping, 個小朋友走去試食, 食左好多件, 個賣野大審禮貌地叫佢唔好試食太多, 留 D 給其他客人, 點知個阿爸走過來大大聲話, 好X貴啊你D野, 幾錢啊! 買起矖多得啊! 一個這樣的家長那裡有可能教好現在的小朋友, 德育教育盪然無存! 一代差過一代
momo 網路會員	3) 2004/06/08 22:02 現在連D大人都是這樣! 有次在吉之島見到一對父母帶著個小朋友shopping, 個小朋友走去試食, 食左好多件, 個賣野大審禮貌地叫佢唔好試食太多, 留 D 給其他客人, 點知個阿爸走過來大大聲話, 好X貴啊你D野, 幾錢啊! 買起矖多得啊! 一個這樣的家長那裡有可能教好現在的小朋友, 德育教育盪然無存! 一代差過一代 --------------------------------------------------------------------- 好相信個老豆第時實有報應,今日佢o係個仔面前點對人,第時個仔會就點對佢.
kingchan 網路會員	4) 2004/06/08 22:05 有其父必有其子睇個死人仔咁款. 個老豆都唔慌好得去邊!!
asahi_kogaku 網路會員	5) 2004/06/08 22:07 早幾日朝早八時在屋企樓下排隊買麵包，見到三個小學生，大大聲對住收銀姐姐重複講兩次：「快D啦！我趕時間呀！」....
16mm 網路會員	6) 2004/06/08 22:37 哈哈....我經常想香港普及教育將來有誰人來做比較底層次工作,我們有基層支持者啦...我喜見他們日日打機,無心向學. 你已經很好人願意去教他們.
alfredpak 網路會員	7) 2004/06/08 23:22 今朝我都見到一個幼稚園靚仔響地鐵, 咁佢家姐有得坐, 但係要隔o左一個陌生人至有空位. 咁個靚仔就咁拎住把遮向個陌生人面前咁左右左右咁搖下搖下(好似交通警咁), 想個陌生人讓位俾佢同家姐坐, 個樣仲要好唔耐煩咁, 唔該都冇聲~ 嘩!真係冇禮貌到丫~ 我覺得而家多數o的靚仔俾o的父母寵壞晒. 邊似以前o的媽咁嚴?! 真係好慶幸呀媽以前咁惡, 雖然係慘o的, 但係起碼有禮貌~ 哈~
Panda123 網路會員	8) 2004/06/08 23:42 衣家d父母靠硬係唔明咩叫"身教"
.micros. 網路會員	9) 2004/06/08 23:49 人之初係善定惡真係無從稽考﹐不過可以肯定o既係教導對小朋友o既影響係好大。可能我係資格講人識唔識教小朋友﹐只係覺得好多家長將責任推俾學校﹐唔知自己先係影響小朋友最大o既人。一代不如一代已經聽過無數次﹐當中伯3意思大家又明唔明﹖ 呢個話係老早就已經有人講﹐結果係不如上一代o既人用自己o既標準去評下一代比自己一代差﹐從此代代相傳 ...... 現今o既環境﹐唔係新一代自己造出o黎o既﹐如果大家真係覺得一代不如一代﹐咁就應該從問題著手﹐唔係去歸咎於新一代。 -- http://www.pbase.com/micros
Vincent★帝國天使論壇版主	10) 2004/06/09 00:09 今日這田地...
laipeter93 網路會員	11) 2004/06/09 00:31 Peter LO : 佢就讀果間學校，就是響我居住果一條屋邨裡面。
laipeter93 網路會員	12) 2004/06/09 00:34 如果佢好好聲向巴士司機講 : 「唔好意思...麻煩有落，唔該!!」之類的說話的話，咁我都無咁火滾。最弊就是無禮貌，唔識如何對待他人。仲大條道理地響度大吵大鬧，全巴士下層的人都望住晒佢，真係唔知醜!!
neofung 網路會員	13) 2004/06/09 00:46 幾個星期前係尖沙嘴pageone, 見到一個好似係人阿媽既女人帶住個細路女, 囉咗左差不多二百蚊既色票書睇, 二個人遂頁睇一路對住本書哇哇聲, 嘈住其他客人之外仲會整爛啲書, 果啲色票書污"遭"咗仲有人買咩, 就算無心買書都唔該替書店老闆或其他顧笿著想吓啦唔該! 雖然啲書咁樣放書店都有責任, 但唔通除咗兒童書部門之外, 其他範圍都要掛個十二歲以下小童恕不招待咩! 又或者本本書都包到實, 都有興趣睇或買先叫職員開封咩! 忽然覺得新加玻管治方法對香港人都可能會幾有效, 唉!
Peter LO 網路會員	14) 2004/06/09 00:59 雖然我試過無效，但也要建議你去信請該校多加留意，當是碰碰運氣也好。朋輩影響大於父母，這是不爭的事實。小弟雖自信能做到身教，但看見周遭環境是如斯模樣，實在沒信心教好兒女。唉！
neofung 網路會員	15) 2004/06/09 01:15 當四週同學朋友都追求名牌崇拜偶像既時候, 做父母既仲可以教到佢地啲乜呢! 雖然呢類行為我地細個既時候都可能有, 但以前果啲偶像都有值得人尊重既地方, 例如啲歌作得好, 唱得好, 歌詞比較有意思 (口水歌都係), 人格(表面)比較高尚..... 依家果啲, 唉!
.micros. 網路會員	16) 2004/06/09 01:21 咁係要知係邊o的人要推o的「星」上台﹐係邊o的人要搵錢 ...... o的風氣其實唔係青年人自己吹出o黎o既 ...... 唔可以完全用自己細個o既情況同而家比﹐有o的o野真係變o左﹐逅唔番o既。 -- http://www.pbase.com/micros
neofung 網路會員	17) 2004/06/09 01:25 咁呢啲嘢又的確唔係青年人自己吹出黎..... 真係變咗! 我選擇唔聽唔睇, 又會畀人話我唔與時並進, 唉!
Mading 網路會員	18) 2004/06/09 02:38 我唔係好大，而家廿歲... 我記得以前細個(4,5 歲啦)，去探親戚，個親戚屋企個電視播緊o的粵語長片，o的大人又講緊o的自己唔知o既話題，細個唔識死，講o左句「好悶...」返到屋企都已經比阿媽打獲勁o既... 早排有個親戚帶個細路﹝8,9歲﹞o黎我屋企，成班人，睇下電視有乜睇，轉台時，個o靚仔大叫「我要睇兒童台！」個阿媽就要全部人就晒佢個仔... 我同我阿哥睇住，眼到凸埋... 雖然我都唔算得上好好仔，但「一代不如一代」o既情況真係好嚴重... 「慈母多敗兒」永遠都o岩...
Vincent★帝國天使論壇版主	19) 2004/06/09 03:28 小朋友大晒嘛...搭車都知道啦... 搭地鐵若果有小朋友坐我隔離呢...我多數會選擇起身...
laipeter93 網路會員	20) 2004/06/09 04:15 究竟誰之過呢??大家有什麼意見呢??歡迎發表

回上一層第1頁 / 共2頁到第頁下一頁	到 1 2 頁

手札小舖熱門商品

more..