tedted

網路會員

2005/01/09 06:01 寄信給作者

器材: 其他其他

我老豆今日唔知係邊度摷番部好舊既機出黎, 係Ricoh XR500, 在取景器望出去, 有好多好細既黑色點點, 拆支鏡出黎睇入面又有撻野好似一個"哄"咁!, 因為從來未用過菲林機, 除左Auto! 所以好想用呢部機黎練下, 可行嗎? 請問部機咁既情況有冇得整架呢? 大約幾$$呢? 想問下各位師兄意見! 部機咁舊值唔值得整呢? 拜託幫幫忙睇睇, 唔該哂!

http://hk.geocities.com/tedted147/xr500.html

*香港至NET超人* 網路會員	1) 2005/01/09 08:56 有得整, 問題係值唔值咁做. 如果是不計較要比幾百元翻新, 那可能貴過買部二手既, 你可以問問相機服務中心(陳烘隔兩間).
yamato_v 網路會員	2) 2005/01/09 09:42 用佢影幾筒睇下先. vierfinder內黑點唔影響成像, 支鏡有毛都唔係唔影得. 反正你只係想練下, 玩下, 比幾舊水整完唔玩就無謂la
wlachan 網路會員	3) 2005/01/09 10:06 如果一切操作正常，幾舊水番新其實都 okay，部機睇落好新吓。一點點黑色似乎係觀景器發霉，抹完後保持乾燥就無問題。至於鏡頭就未必會俾錢整，一來唔係正鏡，二來抹鏡比較花時間同貴，用二手 Pentax 鏡可能係比較好的選擇。
Peter LO 網路會員	4) 2005/01/09 14:59 Ricoh/Cosina機的機頂和標準鏡不難拆，可考慮DIY。
tedted 網路會員	5) 2005/01/10 01:30 唔該哂咁多位, 如果係幾舊水攪掂, 我諗我會整, 因為我都想多部相機玩下! 我見支原裝鏡光圈有2.2, 好似幾吸引咁! 各位師兄, 請問邊度有得整呀? 超人兄, 請問相機服務中心係邊架?
*香港至NET超人* 網路會員	6) 2005/01/10 09:40 f/2.2既標準鏡, 其實只值一百幾十元, 唔值得抹啦. 相機服務中心係尖沙咀美麗華酒店旁的香檳大廈地面商場.
tedted 網路會員	7) 2005/01/11 01:14 明白哂, 即係買支標準鏡+俾人清潔觀景器d黑色點點係較好選擇! 或者唔理佢都得! 請問標準鏡有好介紹嗎?
wlachan 網路會員	8) 2005/01/11 02:39 呢幾支二手鏡啦。 http://www.bdimitrov.de/kmp/lenses/primes/normal/K50f1.4.html http://www.bdimitrov.de/kmp/lenses/primes/normal/M50f1.4.html http://www.bdimitrov.de/kmp/lenses/primes/normal/A50f1.4.html http://www.bdimitrov.de/kmp/lenses/primes/normal/M50f1.7.html http://www.bdimitrov.de/kmp/lenses/primes/normal/M50f2.html
tedted 網路會員	9) 2005/01/11 04:09 唔該哂, 這是出售的? 請問知唔知係幾錢呢? Thanks!
wlachan 網路會員	10) 2005/01/11 08:11 這個是 Pentax 資料 web site http://www.bdimitrov.de/kmp/ ，在 eBay 的二手價由美金二十至一百圓以上不等，視乎 condition 和型號而定。以 M50/2 最平，A50/1.4 最貴。
*香港至NET超人* 網路會員	11) 2005/01/11 10:23 RICOH也有50/2, 50/1.4等. 我手上有50/2, 都幾SHARP, 不過帶明顯冷調, 而且是異常的塑膠! 我估菲林倉的防漏光海綿都有可能溶左, 你都睇一睇先.
tedted 網路會員	12) 2005/01/12 02:00 唔該哂你地咁幫忙呀, 超人兄多謝你提醒, 我太外行, 打開菲林倉都搵唔到防漏光海綿, 亦見唔到有咩係溶左或者異常, 但卻發現有另一問題, 今日手多多諗住試下睇下唔同快門速度下快門的開合情況, 於是打開左菲林倉, 試左5, 6野, 跟住拉菲林個掣就拉唔倒啦, 按下快門亦無反應, 觀景器完全睇唔到野, 漆黑一片, 好似係某地方lock左咁! 真係抓哂頭, 睇黎呢部野都係有d問題, 定係俾我攪壞左?!
wlachan 網路會員	13) 2005/01/12 06:22 可能係 D 機油太舊，乾咗所以 jam 機，正式 service 一次就 okay 架喇。
ken L 網路會員	14) 2005/01/12 08:48 反光鏡lock咗咪冇嘢睇,嘥錢喇,留番紀念算,又唔係靚機
Peter LO 網路會員	15) 2005/01/12 08:52 >跟住拉菲林個掣就拉唔倒啦, 按下快門亦無反應, >觀景器完全睇唔到野, 漆黑一片, 好似係某地方lock左咁! 死狀跟我部六年無用的FM2完全一樣，"立"油而已，找師傅搞搞就好了。
wlachan 網路會員	16) 2005/01/12 09:26 jam 千奇唔好再 work 佢，否則好易爛 parts。
*香港至NET超人* 網路會員	17) 2005/01/12 10:07 如果是反光鏡彈上及快門關上, 似乎是快門後廉彈唔到尾, 我以前試過, 將堂廉輕輕手拉落樣它彈上多一次, 結果係得既. 不過唔建議你咁做. 如果你對呢部機冇情義結, 我覺得應該放棄, 年紀大機械壞, 就讓他成為一個回憶吧.
tedted 網路會員	18) 2005/01/12 20:18 真係唔該哂大家咁熱心幫忙, thanks again! 可能真係反光鏡有問題, 之前試既時侯試過咁樣, 正常咪按下快門後會聽到卡察咁聲既, 有時按下快門後只得卡一聲, 跟住部機冇哂反應, 但一將部機向下即係鏡頭指向地下方向, 先聽到察一聲, 即係咁先完成整個過程, 好似好難講咁, anyway, 我會接受大家既意見, 又要整機又要買過支標準鏡, 而且部機咁舊, 整番轉個頭都唔知會唔會又壞第二樣野, 制唔過啦! 我諗我都係算把啦, 繼續用住我部dc仔先啦!
wlachan 網路會員	19) 2005/01/12 20:29 如果手指可以整番好，即係乾油，唔係 jam 機。
Peter LO 網路會員	20) 2005/01/12 20:42 超人，可不可以教我怎樣拉快門簾？