|
作者
|
討論話題
|
網路會員
|
2004/06/25 10:51
 
器材:
其他 其他
星期日阿媽同大妹去細妹屋企睇相, 翻泥就比左D相我話係double左, 阿妹吾要, 我一數, Double Shot淨係得女家炸播, 都近佰張, 加埋朋友D咪吾得了? 再睇落去, 有以下發現.
>>>整體上
好多插頭相(橫插直插都有), 室外室內也曝光不足(手上有七成幾係夾硬谷光, 經驗話比我知佢起碼谷光2級引致相片帶灰{本人略董操作Kodak52R, 亦做過曬相舖freelance}), 色彩暗淡且嚴重偏色(褂變橙紅色, 另曝光正常的面口就帶瘀黃{係似有肝病o個隻黃}, under o既就M曬, 應該係谷光後矯色不佳所致), 相片無層次感, sharp位太短, 相片不四平八穩, D 4R 橫倒o既佢可以腳下有2cm起碼o既白位, 反而頭頂就頂到冚, 好似吊脛, 大吉利是.
>>>註冊處
等候室樓低好高, 有一吊燈, 佢影埋, 踎低影又冇用飛燈線, 攪到大黑影(仲以為睇緊Phantom), 一張2/3人直倒4R, 3吋係人3吋係吊燈!
>>>註冊後外影
吾用燈補光, 攪到D背境係樹也好大厦也好都白曬且大花面.
>>>酒店
吾少 “影後”(相中人個個都背向鏡頭, 好多pat pat相{吾知係咪受人指示}), 影左好多賓客攞食物o既相, 但身帶襟花的我阿媽話一張都冇(佢最且火就係依樣). 玻璃做背境D相就全部入曬玻璃反出泥D閃燈光(阿妹又冇退相, 可能佢鐘意, 愛泥第日玩key相).
幾日後見到大妹, 言談間佢話一齊西相時佢地都覺得D相好有問題, 都建意退相, 但細妹即發老脾話: 點退亞, 咁多, 退曬佢咩!
其實阿妹個場以致服裝都以淺色為主, 自己又耐冇影野, 我都驚吾掂, 所以見白野多就o係支燈到加output, 好彩都揰o岩左.
大家覺得佢收得平也好貴也好, 我諗都吾應該出現過多白位同插頭相掛!
基於當事人o係本人面前仍盛讚此pro cam man, 我都冇必要爆響依間野個名, 一來佢可能係outsource 翻泥, 二來依家係個影相o既出問題多於一切, 所以如果師兄大佬們你地想知, 我可以形容此人o既外形過你地聽!
|
網路會員
|
我只係想知道，你有無俾你既相片俾你個妹／媽／大妹睇？
有無咩意見？ |
網路會員
|
古人兄:
願聞其詳 |
網路會員
|
影商業相最重要是出來的相片老細喜歡,
如你所言: 基於當事人o係本人面前仍盛讚此pro cam man
我則覺得此攝影師已交足功課,
當事人都認為滿意, 你又何用在此數別人的不是.
|
網路會員
|
YY90兄,
>>>>>幾日後見到大妹, 言談間佢話一齊西相時佢地都覺得D相好有問題, 都建意退相, 但細妹即發老脾話: 點退亞, 咁多, 退曬佢咩!
可知她只是在我面前死撐, 吾認衰而己!
|
網路會員
|
水兄, gigakpt兄,
請看下文,
星期六阿妹翻屋企做節, 我第一時間問佢D相點樣? 佢就猛話隻DVD掂. 我話Video着重後期製作, 吾掂o個D你冇可能睇倒. 我再問佢D相點? 佢話未睇曬! 吾記得! 我問佢大致上酒店D好D定註冊D好D? 佢又答D色幾好, 全部都好紅, 好靚!
根住我問佢曬相錢要比幾多? 佢答 $1.3-一張, 總共 $1,1xx-. 我問佢個pro cam man影左幾多筒? 佢答17筒! 我話吓? 註冊日得14人, 擺酒得7圍. 3圍親戚得8家人. 2圍同學, 1圍同事加朋友, 仲圍圍甚致主家席都有2-3個位淨, 佢可以掃17筒?
我話係咪好多相同, 佢話斬眼o個D間野好好, 扣起吾計, 扣埋扣埋大約得翻13筒倒, 7圍枱13筒差吾多啦! 我話, 咁多廢相?! 根住我同佢計數. 就算曬足17筒, $1.3 一張, 總共$795.60, 沖費即係成$20-一筒! 我話我去LAB到沖都係$16-一筒. 況且你話你得翻13筒倒o既相炸播, 加埋17筒沖費, 咁o個~$200去左邊阿? 吾係$3x-沖筒菲林下話? 佢話, 緊係咁嫁啦, 吾係人地食屎咩!
(我心諗, 佢D錢真係易揾, 出門當日個化裝又吾用遮婽膏遮暗瘡並且遲到兩個鍾, 攪到臨尾吾夠時間就博曬命上嫣資化到佢塊面一撻撻, 做化裝連三摺鏡都冇, 去到客人屋企問人有冇鏡佢又覺得冇問題. 曬相錢有出入又話冇問題. 租古董花車卻換泥一架殘BENZ並且遲到仲中途壞埋要換車佢又話冇問題. 我真係服得佢好緊要!)
根住我比我影D相大家睇, 問佢邊個影o個D o岩佢睇. 佢話冇得比較, D相攞左幾日, 睇完吾記得, 但隻DVD真係好正…... 根住佢指住大妹用傻瓜機影o個D, 話D色就pro cam man靚過佢D好多, 人地影到件褂橙紅色嫁. 我話褂紅色同埋神台燈紅吾係咁易出, 你用DC或者DV試試或者你留意D電視節目就知, 大妹D相出得都好貼你件褂D色, 我D相都出倒褂紅色而你塊面就冇偏色. 我同大妹都係o係怪屠你到曬, 4R一鷄一張, 平30%. 我諗個pro cam man打D相係M左炸播(及後向她解釋一翻).你翻去睇翻你塊面同埋週圍環境係咪比你用肉眼睇o既較紅, 睇睇你係咪關二哥上身!
我再話, 你吾好借D倚又講左去第二道, 咁同我D比呢? 我D snaps 捕足倒你D神韻, 你個pro cam man做吾做倒? 同埋D相o既色彩還原度, sharpness, contrast, perspective甚致攞位, 光源, 人物排位… 雖然吾同鏡倒, 而我都比佢地兩個攝位攝到我冇淡好食, 但都可以交倒過得自已o個關o既貨仲貼得落大相薄. 仲有好多重要o既團體相都係我o係佢影完之後排翻o岩D位再影, 而佢又走埋泥補影, 所以有D我有o既野佢都有. 相比之下咁你覺得出左泥o既野邊個似樣D? 根住佢話, 我都吾知佢咁架! 之前上結婚網問過人話依間野只係得個四十幾歲剪男人頭o既亞嬋影D野係掂, 其他男人就普普通通, 我點知吾係個亞嬋泥影得架!
此刻我覺得, 依…事有QK!
|
網路會員
|
古人,
你寫咁多野 (對唔住, 我睇唔晒), 如果目的係要提醒別人不要請這個攝影師的話, 不如公開他的名字.
也許你心存厚道, 不想公開他的名字, 則你寫這麼多文字, 又好像沒什麼意義.
|
網路會員
|
我覺得17筒算少 |
網路會員
|
呢個世界有早知無乞兒 |
網路會員
|
YY90兄,
冗言亂語, 吾好意思.
名字他可以轉, 他亦可能是在這公司掛單或臨時拉呼. 冗文旨在道出此攝影人的問題, 好讓師兄們他日家辦喜事時多加留意, 以免像我般當個正着. |
網路會員
|
chochris2003兄,
當我發覺這攝影人的問題, 己一早同佢地講, 不過佢地冇聽姐! 嚴格泥講, 佢地係早知其人, 不過未見其貨姐!
|
網路會員
|
古人兄:
你個妹都算唔好彩，我估佢可能去在esdlife個留言講場度收風，個度好多行家食，D人亂嗡，堅都變流，流都變堅。
我覺得應該同間鋪理論，等佢收平D或者唔收錢都好，條氣順D。
|
網路會員
|
古人兄,
自己做左應該做既野就夠,
我係你都會同家人講,
家人聽幾多就唔管得o甘多囉. |
網路會員
|
係啦
人地要死,唔通唔比人死咩 |
網路會員
|
>>>>>我估佢可能去在esdlife個留言講場度收風
全中, 不過佢吾聽我講, 冇計!
chochris2003兄,
盡左做屋企人o既責任就算, 所以最後我咪由阿妹去佢個火坑o羅.
Arthur塗夫兄,
最慘係我一早擔心o個樣野依家出現左, 就係佢地認為我D野係吾應該好過D收錢做job o既pro, 但好衰吾衰, 咁o岩又比我撞手神靚過佢, 我依家咪成為兄第姊妹間o既公敵o羅. 但係D相係影比亞婆亞嫲睇, 同比亞媽作為多一個記念. |
網路會員
|
我打咁多野都係吾想你地有人領野姐, 別無他意. |
網路會員
|
哦
我好同情你架
我估你唔係共敵,只係你個妹d屋企人覺得唔抵姐 |
網路會員
|
吾講人事倫理, 我諗講翻個pro cam man 好D |
網路會員
|
"我打咁多野都係吾想你地有人領野姐, 別無他意."
咁我地都唔知佢係邊個......... |
網路會員
|
Brother 古人, just one last advice - let go & get a life. |
網路會員
|
這人身高大約5尺七, 幾黑, 望上去好似幾大隻但好pau, 樣似臨X連前夫許x. 綱綱上依到睇過, 間野同個pro cam man D 行為好相似, 都有人好詳細咁講出佢地D激氣野(吾無我泥嫁), 但基於我吾係當事人, 所以請原諒我冇將條link直接擺出泥! http://wedding.esdlife.com/forum/forum.asp?FORUM_ID=20&sortfield=lastpost&sortorder=0&whichpage=5gigakpt, 我見倒有人用gigakpt@hotmail.com去收料, 係咪你泥嫁, Gary??? |
|
|
