新進會員
|
超.................強! |
網路會員
|
小弟有接D婚禮攝錄泥做,對婚禮攝影呢行都略知一二。 其實影婚禮都係D手辦眼見功夫,加上依家D器材咁先進, 沖印技術又好,只要用心對個客,熟識婚禮流程, 知到邊D相一定要有、要影到, 交到相比個客,出大問題的機會很少。 至於個人風格、攝影手法,上手後再諗。
我覺得你現在要有D心理準備, 1.跟一日影結婚相都幾辛苦架,體力消耗很大 2.沒有經熟人介紹給店舖(如金都個D),很難打入圈子,幾乎是不可能 3.初時工作量非常少,難以維持生計,最少要捱半年,等上位 4.部份店舖對新入行婚禮攝影師只肯比HK$800/日,有D新丁HK$600/日都肯 5.衰一次大獲野,全行都知,信用非常重要
全職影婚禮賺的是辛苦錢,入行前三思 |
網路會員
|
假如你有心入行, 我諗你依加最緊要係影輯婚禮DEMO相比人睇, 連相都無,D人邊有信心比野你影。
GOOD LUCK ! |
網路會員
|
香港地方窄, 我試過一位朋友結婚時, 在家中只有一百呎的廳做儀式, 好彩有帶24及20, 唔係就好難影得晒. 而晚宴方面, 記得要坐近主家席, 有時d新人唔識安排叫你坐到冇雷公 咁遠, 有o野影都唔知. 而晚宴前的大合照, 最好見有朋友來「簽到」 就盡量叫新人拉佢去影相, 因為而家d晚宴, d人有咁遲得咁遲先至黎 開, 好多時近七、八點是一窩蜂以來, 之前未拍的, 隨時遺漏, 亦有可 能令自己太忙而出錯. 器材冇咩特別, 如果是有心想做好d, 不妨在大堆頭拍攝帶一套120機, 平價的已經可以, 如PENTAX 67及45/55鏡, 二手的只是六千元一套, 那 樣拍攝的大合照可保證放大至30吋都十分清晰, 亦可以加這些服務而在 翻晒時收「手續費」.
|
網路會員
|
i saw on last saturday that the main photog used a nikon f601 (?) and another rather old MF nikon (not fm2 and fe); yet, he impressed me very much by his performance in handling the people and the environment at brazing speed and I nearly forgot that there were another two guys using Cxxxx 1 and another using 3, both with L lenses.
performance really counts |
網路會員
|
.................................... 香港婚禮攝影師人工咁平 ??? 成日先係得 hk 1000 咋 ??? 記得早o個陣我個 fd 結婚, 佢請o左專人幫佢影相 同錄埋 Video 由朝早 7:30 至晚上 10 點,人工係 us$ 3000, 另外仲有利是 ( 應該係攝影師 us$ 200,助手 us$ 100 ) 影出來o既相 如果睇o岩o既話,頭 100 張免費, 100 張後又要另收錢... 當時,個 fd 為o左方便將 d 相 email 俾人同放上網 叫埋我拎部 Canon S45 DC 機一齊去幫手影........... 人工 us$ 100,利是 us$ 100,另送兩張 512mb CF 卡 ( 當時約 us$ 130 ) ____________________________________________________________ ( 我一共影o左 780 張,呵... 最慘o既係............ 個 fd 對比o左個攝影師同我影o既相... 最後要我 d 相去沖 ( 4r ), 唔要攝影師o既 ~_~|| 經歷係: 因為我用數碼,我可以狂影,盡量為主人家留下重要o既每一刻 婚禮上o既相,主人家並本打算曬成大相 主人家同我講,佢唔要攝影師o既相係因為覺得 d 相過暗, 有點黑沉沉o既感覺,感受唔到個氣氛 因為我係用 S45 DC 機,冇得外接 Flash, D setting o係誤打誤撞下 比較o岩主人家o既口味 呢張係我幫個 fd 影o既其中一張 ^^ http://www.inetong.com/Zeki/cpg/displayimage.php?album=7&pos=1 |
網路會員
|
daraman兄,超人兄,suumuru兄 多謝各位意見!! Thank you very much!!
|
網路會員
|
問NeZeki板友:
「記得早o個陣我個 fd 結婚, 佢請o左專人幫佢影相 同錄埋 Video 由朝早 7:30 至晚上 10 點,人工係 us$ 3000, 另外仲有利是 ( 應該係攝影師 us$ 200,助手 us$ 100 )」
影一日相有三千美金人工?折合港幣兩萬幾蚊? 極專業攝影師?!定係主家勁富有?
香港做一日收一千,計埋利是賺頭賺尾, 都有千零蚊一日,算唔錯咯!
|
網路會員
|
覆超人板友:
「而晚宴方面, 記得要坐近主家席, 有時d新人唔識安排叫你坐到冇雷公 咁遠, 有o野影都唔知. 而晚宴前的大合照, 最好見有朋友來「簽到」 就盡量叫新人拉佢去影相, 因為而家d晚宴, d人有咁遲得咁遲先至黎 開, 好多時近七、八點是一窩蜂以來, 之前未拍的, 隨時遺漏, 亦有可 能令自己太忙而出錯.」
1.坐邊度應由主家安排,作為服務者,只向主家提示想坐近 D一句已夠,有時主家安排你坐主家席,咪仲尷尬?!正式 流程時,攝影師應知道咩時間要起身影相。其實做野時,求 其食幾味已算。
2.應到酒樓時已向新人解釋拍照程序,通常到場即安排拍照, 若有遺漏,可等坐埋席時,隨新人們到席間「補飛」,主家 通常很受落,通常是新人企在賓客後面,攝影師在圓檯既對 面影,或有其他賓客企在新人左右,拍呢類相有好多好處: 拍多D等主家覺得你好盡責;影多幾筒也賺多少少下欄錢; 更可真正補飛以免遺漏。
3.作為專業的婚禮攝影師,要時不時提醒新人切註要跟各自 家人拍全家福,因為家人名有重責,未必能一呼百應,最易 遺漏,所以我個人成日提示新人,要叫爸媽兄弟姊妹集齊拍 全家福,而且姻親兩家也應拍合照,但亦要睇場合,若聯婚 的,問題不大,若迎親的,可先問男家,若于歸的,切記要 先問女家外父母是否會跟親家合照,有時問題不能不在女家, 而是擔心男家只得一家人,會否自悲而不想拍照,因女方主 家表明願意,男主家也不會推辭。
總之影結婚相唔係只懂按快門,好多禮儀同俗例要做得多見 得多,慢慢累積而來。我做左成十年,真係乜都見過,有些 鄉例真係好古怪,有D有錢人會好孤寒乜都計到盡,有D低 下階層反而出手闊綽,真係一樣米養百樣人。
|
網路會員
|
聯婚及分開擺酒係有明顯唔同做法, 呢點我試過一次, 好老實, 有時覺得好尷尬, 因為分開擺時, 少人果方真係影又唔係唔影 又好似唔得, 都幾難分配時間.
我就冇連續做, 始終都係錢少問題, 只係朋友死黨結婚先至做, 出手就試過比$500, 多一封利市都冇, 信不信由你, 果次我將 果封利市當人情做番比佢, 所有菲林都係送既, $500呢個大禮 我呢半個老友授唔起, 之後就冇再聯絡囉.
|
網路會員
|
所以話 有時做朋友,唔係唔講義氣 一有d錢銀分歧,都幾煩 |
網路會員
|
$200 我都收過啦, 仲要係唔熟 o既 朋友 所以一定要事前講清楚, 收唔收錢? 收幾多? 會唔會做人情? 做主力定花絮?
一句 "你封番封利是俾我咪得囉!" 累死自己 事前講清楚, 雙方都唔會有錯誤期望 |
新進會員
|
daraman你現在還有替人影結婚相嗎? |
網路會員
|
>> daraman >> 影一日相有三千美金人工?折合港幣兩萬幾蚊? 極專業攝影師?!定係主家勁富有?
^^ 唔係啦,只係一般平民,唔係有錢人家
如果話極專業攝影師......... 名譽係... ^^||
當初個 fd 同我講影一日相 + Video,成套係 us$3000 囉
實際市價係幾多,咁我要問問人先可以肯定答你囉 ^^
________________________________________________________________
>> 香港做一日收一千,計埋利是賺頭賺尾, >> 都有千零蚊一日,算唔錯咯!
上面我提過,我用 Canon S45 DC 機,幫個 fd 影一日
( o個次係我第一次幫人影相 都係第一次影婚禮照 一 d 都唔專業 )
人工係 $100 ( 人工 ) + $100 ( 紅包 ) + $150 ( 買 CF 卡o既錢 )
合共係 us$ 350
我咁都多過你地好多喎,
睇到你地話 o係香港影一日先o個 hk 1000 蚊,我睇到眼凸凸架
而嫁先知o係香港做呢行 搵食係咁辛苦.............
加油呀~~~~~` ^__~
|
網路會員
|
RE:NeZeki 呢個係濟遇問題, 你好彩唔代表我地唔好彩. 老外對婚禮好重視, 睇o下結婚介指幾多錢就知, 香港人係婚禮用既錢, 好多時慳得就慳, 少數 比得起又重視婚禮既, 花一、兩萬搞拍攝都有, 唔係豪哥及dennis佢地點搵食. 行行都出狀元, 但狀元就只有一個, 有更多既 係上唔到位, 自然就要做得辛苦d, 況且香港 失業率是7%, 遠比外國嚴重, 人比人就比死人 啦....
|
網路會員
|
呢排突然間多左好多呢類話咁o既, 好熱鬧播!
吾計依幾年淡出婚宴攝影, 我之前都做左十幾年freelancer, doraman佬講緊o既野真係熟口熟面, 但諗翻其實真係一樣米養幾百樣人.
十多年前試過有個叫做朋友o既影友結婚相我幫佢影野, 之後發覺佢原來係想我用1號機幫佢攞面. 擺酒地方細又要影四十幾人o既全家福我逼住用24mm, 但o個時D Metz冇Zoom Head, 加extender都只有28mm, 咪用翻C記支機頂燈, 佢即刻走埋泥媽我問我做乜吾用柄燈頂令佢冇面, 佢老婆做樓面,等D同事泥埋影埋己經係零晨一點半, 走時佢比利是我話多謝曬, 仲話第日請我食翻餐好o既, 我撘車拆利是發現係五十大元. 之後我想問佢D想掂吾掂, 佢竟然連Call機都轉埋.
仲有一次係離左職o既同事, 之前講好左價錢, 但影完佢話攞想先一次過比我. 曬相錢佢就比足. 但人工就續張續張飛落枱面並說: 我好慘嫁, 冇曬錢啦, 如果比足你收個數我比曬你都吾夠亞....結果佢只比左六成都吾夠就即刻話有事走先.
又有一次個女同事o係年初五擺酒, 去到佢家任何人都冇比任何利事(結婚/新年), 做埋人情不特只仲攞左一日假, 回報係佢比翻我比佢D人情我!
仲有大把經典野, 諗翻都一肚氣! |
網路會員
|
古人兄: 你都算唔好彩! 不過我都試過幫D親戚影結婚相連利是都無封 連菲林電芯錢都收唔番 仲要第二日就睇相 好彩收得番D曬相錢 唔熟唔食 |
網路會員
|
所以遇著呢D所謂朋友、親友搵我影相,除非真係friend或成日見既,真係當唔收錢都冇所謂,其他D有事先搵你幫既親友門、朋友門我一定話佢知果日有job黎唔到,無謂做完一肚氣。 題外話,其實我都好想影結婚相的攝影師們收貴D,全部一齊收貴D,你睇下D化妝少姐,做一日都三四千,點解D重有人三千元出兩個人同人影架。不過亦很難控製,因為亦都太多唔太識影相既人做呢行既freelance,攪到呢行好多人都覺得影結婚相班人好多都唔識影相,包括我,都係咁覺得。其實人地一世人一次,自己唔掂真係無謂接呢D job,害左人,不過而家好好多啦,競爭大左好多,水準都高左D啦,D客都識揀左,而家D客亦預左多D錢係影相果part,新入行既,真係唔好怕蝕底,免費跟D師父出黎影幾次先,先再試下自己接單,咁樣打好個底先,我想會好些的。 |
網路會員
|
但係佢地已經以為自己個底好好呢。
我都只做朋友… |
網路會員
|
覆nikond2h板友:
我間中都有接job做,但年紀大體力差,阿仔又漸大, 正職返工忙難得有假......相比前幾年,我接少好多 工作,最好果係九六九七,果個年代淨做十月尾至 翌年二月已有四五十單,真係做到唔停,個個禮拜六 日一定有,聖誕一定放大假......俱往矣!
覆NeZeki板友:
各地情況不同,我們只有羨慕的份兒,互勉之。
覆古人板友:
師兄你有冇得閒做返一兩單過下手癮?
其他:
我十零年前仲係做靚年代,巳膽粗粗跟師兄們做助手, 影左咁多年,大膽話一句:有咩未試過? 俾金都走數?試過啦! 俾大判走數?試過啦! 俾所謂朋友明屈?試過啦! 俾朋友呃?試過啦!
以前年少無知廿幾歲仔,有朋友叫幫手,以為佢地會識做? 俾果二三百利是已以為好巴閉,朋友都駛到你盡曬啦! 封封利是仔俾我,仲以為我會做人情!嘩!我咪明蝕! 搵我幫手影相既,我話到明唔好俾帖我,我唔會做人情, 夾硬俾帖我,我也未必會做人情,睇佢封利是大唔大, 你封兩千俾我我回返公價人情俾你我一定會。
係熟朋友或老友,明蝕俾你冇問題,反正做得老友一定識做, 最多咪做義工,但車馬同消耗性問支一定claim返。
最麻煩係平日唔多搵你,事後又唔騷你既,而家有唔熟 朋友同事找我,我一定俾封單張佢睇,等佢有心理準備。
唉!大佬呀!我要投資器材,器材要損耗,我要付出時間 同精力,要犧牲休息時閒同天倫之樂,我唔係善堂呀! |