|
作者
|
討論話題
|
網路會員
|
2004/06/04 15:16
 
器材:
其他 其他
見到這題真的令我感概良多.
想問問大家, 若大大們貴為婚禮攝影師, 見到有人/裝備又似行家又用相機影, 而你又知到這人是這婚禮的主人家, 你地會點做???
以下是在昨天, 2:30PM發生在小第身上的故事.
家中最年少o既亞妹昨日終於披上嫁衣, 因為佢未見過我做freelance幫人影o既結婚相, 而佢雖然非常滿意我三年前為佢影o既大學畢業相, 但佢堅持呢兩種相係完全不同, 所以佢堅決拒絕左我o既好意. 我就冇所謂, 但我都應我亞媽o既意, 影吓花絮, 於是我用一架C牌1仔+135+80-200+300不請自來(不請自攝就真). 又因為亞妹又要面又要錢, 依頭話影結婚相一定請專業, o個頭又叫個攝影師只在註冊處影, 吾駛泥屋企影, 話時間少D個攝影師收平D (比佢吹bear bear).
問題就在註冊處開始, 我都諗住吾好左人揾食, 而我一心諗住影花絮, 所以我先裝支135, o係呢個攝影師身後三尺左右影我自已o既野並揚言我只影花絮(當然, 我係肯定佢冇影緊相時我先影, 佢一影我就吾影, 以免我支燈閃倒佢架機), 但當我一裝好我set野, 佢不但冇打招呼, 仲無神神"bear"我一眼, 跟住不斷攝我位阻我, 我點影佢就點攝, 我比佢高三/四吋, 有時佢來不及攝我位, 就舉高佢架裝左550燈o既33V. 根住見佢有心左我, 我就裝支80-200避開佢, 佢一樣係咁攝, 連個movie man有時見個拍檔攝吾倒我, 就用佢支燈長照我, 令我入曬光影吾倒. 到我請佢吾好用燈照我, 佢吾聽, 後尾我大大聲話: 吾該, 吾好再影我! D親朋見吾對路走埋泥問我: 你覺吾覺個影相佬有心攝你位, 我就大大聲話佢鐘意攝就攝, 我一路都冇阻過佢, 你地個個都有眼見." 到最後我避無可避, 裝支300, 跟住佢就冇再攝我位.
到註完冊影外影, 佢就滾水六腳咁影, 見我舉機佢就o拿o拿淋轉位, 到佢發現佢阻吾倒我, 佢就換支sigma wide angle zoom, 當然係超wide o個D啦, 仲企正我個妹面前影, 跟住我同D屋企人講不如由得亞妹比人影, 我同佢地去Hi Tea啦.
你地評吓理, 依個攝影師做乜Q野. 我個妹星期日擺酒我又會見倒佢, 到時佢又咁攪野我實小狗佢!
|
論壇版主
|
親戚/朋友大晒...
試過有親戚揾來幫手影結婚又吳比錢...又叫我 "介紹" D朋友去幫手影他結婚但必須是義務...無錢...
扮豬食老虎 |
網路會員
|
今年旺結婚~
pro唔pro唔係講下就係~
好多攝影師都係做到隻9咁~
想要好野真係要留心一下!
仲有!!
睇下本身有什麼要求,
比錢果位識唔識睇,冇有要求先??
影到天花龍鳳都冇用.
一分錢一分貨!!
點解有公司收幾百攝影,有d就收幾萬??
唔係話平就冇好野!貴就一定好晒,
只係攝影師本身既質數同服務問題.
(冇用心去做實死~~即係返工等放工...)
器材先決!!
器材只係幫助攝影師拍攝既工具,
工具好d貴d有冇用??
您比部5仔我用又影到!您比部1v我又得!
只係有d環境5仔又未必影到用1v影既野~
(5仔暗位對焦真係好慢,仲要上支70-200),
用部平機又比客話(其實係其他人).所以好難做......
日日有工開??一日十二個鐘!!
頂到幾多日??一個月有10日8日已經好好啦!!
人家收$800-一日,要做幾多人先可以買到部1v加其他L鏡~~??
snap!!
幾年前我岩岩影snap,(我都唔係想叫snap,我只係想影一d第二個位置既觀點.)
有好多人以為係咁影係咁影就叫snap,
其實係要不停留意身邊既野,
反應慢,唔夠訓,死硬!!
文字我就真係麻麻地~
有時間出來飲下茶講d辛苦野您地知~
|
網路會員
|
咦
七月十四又就到lu |
網路會員
|
小弟稍後時間亦會替家人影下婚宴花絮，小弟有SLRn及D70，應該用哪一部?
SLRn質素高，將來晒大相也沒問題，但恐防主力PRO的攝影師會看不順眼，話你無料份大師。D70起動及反應快但像素不高，要晒大相唔知夠唔夠用，可能我的問題無聊些，但我看見你們話題和我的情況相約，所以想問大家的意見及討論一下，小弟初次發言勿見笑。 |
網路會員
|
無事的
機唔係最重要,技術先係首選 |
網路會員
|
>恐防主力PRO的攝影師會看不順眼，話你無料份大師。
同檯吃飯，各自修行，話鬼知佢！
>D70起動及反應快但像素不高，要晒大相唔知夠唔夠用
定啦，600萬比你想像中夠用。 |
網路會員
|
小第上年結婚請個攝影師都只係用5仔加圖麗28-70/2.8,我o的friend不知幾讚賞佢,主要係佢控制場面做得好好,好得睇(我覺得做婚宴攝影呢方面非常重要),我仲比部SQ佢叫佢同我影埋120 o忝!下星期輪到我幫人o地影,俾你o地咁講一講令我忽然覺有o的緊張o忝 >_< !!我用300D&1仔出擊!! |
論壇版主
|
天生害怕/不善與人溝通的就好難去做婚禮的主打攝影師啦... |
網路會員
|
施主們所言甚是，謝謝回應，明白晒。 |
網路會員
|
無論響鏡頭前後,或者全部人
一齊做影c,講到尾,溝通好緊要 |
網路會員
|
Very true, better to discuss with the hired photographer beforehand. Just remember he/she had the job to do so always let him/her to finsih his/her job first. Don"t ever try to compete with him/her. |
網路會員
|
大佬們, 我回來了!
做乜用左我呢版野傾野亞(講笑)
睇翻大家o既答問, 我有以下回應
唉, 你估我想影嫁mei, 亞妹book o個個pro淨影註冊, 出門冇人影ar mar, 亞媽又搬D倫常大道理出泥.
之前我講過, 其實機種真係吾係咩問題, 如果先前冇要求又冇問, 就算開蝦蘇價用300V你都吹佢吾漲, o的相又未睇(亞妹HM未翻), 但功架先最重要. 我會開多一個post講翻婚宴當日都幾得人驚o既野比大家聽. 我依家打緊!! |
網路會員
|
i want to read your picture^^ |
網路會員
|
劣者影相未到家, 此文只係道出這pro cam man的攝品而已 |
網路會員
|
古人兄
不要勞氣
呢個世界好多人都自認大師架啦
但問題係人地認唔認同,係另一回事
|
網路會員
|
古人兄，你懂得影相，知道需要親自落場，算係不幸中大幸，無謂動氣了。
有些人在取相時，才發現相片拍得不知所謂，激動到暈低也已經太遲。 |
網路會員
|
sure
揀婚紗相時,d人好咁講
over,對錯焦,插頭 |
網路會員
|
我吾會勞氣, 其實我影野都主要係影比我亞婆同嫲嫲睇(我亞媽叫都係其次), 佢地吾能夠出席婚宴同註冊, 所以我就想影D亞妹笑到見牙吾見眼o既相比佢地做留念, 這個目的我己經做到.
PeterLo大佬, 我真係吾識影相嫁, 吾好老吹呀!! |
網路會員
|
>>>>>有些人在取相時，才發現相片拍得不知所謂，激動到暈低也已經太遲。
所以我o係註冊當日咪即刻出聲攞, 佢地即刻"gut"我ja ma, 如果吾係有D識野o既人o係o個刻都出聲, 我就真係揾"loan"捐 |
|
|
