chochris2003

網路會員

2004/01/31 21:56 請先登入後才可回應

器材: 其他其他

唉,今日同朋友去左大澳,好鬼死熱,我去到係咁SNAP野,跟住見到好多人買燴魷魚
同埋買雞蛋仔,自己梗係買埋一份啦,跟住入到村影野,我朋友去影人晒鹹蛋黃,跟住裏面條師奶叫我地唔好影相呀,跟住既然人地開到聲佢咪講聲對唔住囉,跟住果條八婆仲話[你殺左人講對唔住呀],D人咁野蠻架,同埋影野咋嘛,又無搞你D野
有本事報警呀!!!
真係想以後都唔去大澳

tkn 網路會員	1) 2004/01/31 22:42 可能之前有其他影相人的表現差嚇怕村民所以我地做番個有"品"既攝影人
chochris2003 網路會員	2) 2004/01/31 22:49 咁既樣仲點發展本土經濟呀,D人態度咁Q差,可能佢蝦我個朋友啦,我個朋友都唔多理佢呀
心急人YL 網路會員	3) 2004/01/31 22:52 年多前,我用T3傻瓜機(咁細部),部都俾人截停,那中年男子語氣一般,問我影甚麼....叫我下次問過人先影. 之後行過一條街,影個亞婆晒咸蛋,亞婆就瓜瓜叫,不知說甚麼....總之叫你走. 最唔公平是....走的時候,走到另一條街,見到有兩個中年男影友用Pentax645,仲成個身伸入亞婆間屋影,拍屋內由窗望出去的景.....兩個亞婆在門口笑笑口...有甚麼都好影啊!
chochris2003 網路會員	4) 2004/01/31 22:58 下,唔係咁搞笑呀?
心急人YL 網路會員	5) 2004/01/31 23:11 再搞笑都有.... 有次我拿部FM2+Tamron 90mm影影下,突然間有人拍我後面,有個女人好開心同我講,木穚果邊有個亞伯檔野好好食呀!叫我快去拍幾張介紹下....我估佢當左我係記者!!!! ha....ha....大澳影相真特別 ^^
chochris2003 網路會員	6) 2004/01/31 23:18 今日都有D得意野既,咁我買雞蛋仔食果時無散銀,跟座同我朋友係咁搵散銀,果時我拎住部相機,個女人話[哥哥仔,見你咁辛苦等我唱比你呀] 就係咁喇,哈哈
心急人YL 網路會員	7) 2004/01/31 23:25 chochris2003 我之前俾人截停後,我都有點生氣,咁差的態度,點搞本地遊呀! 但去多大澳幾次,你又會發覺那裏很有趣...所以不要生氣啦! ^^ 同埋,香港地,那裏無衰人??態度很差的人,無處不在. 單是逛相機店,你都受唔少氣啦!ha....ha....又是X成. 我都發過N次誓不會再去,但結果呢?......都係睇開點算啦!
chochris2003 網路會員	8) 2004/01/31 23:30 咁又係呢個世界好人又有衰人又有不過今日都唔係咁多人影相囉,所以影得好輕鬆
jsklee 網路會員	9) 2004/02/01 00:14 心急人YL: "同埋,香港地,那裏無衰人??態度很差的人,無處不在. 單是逛相機店,你都受唔少氣啦!ha....ha....又是X成." HaHa! Totally agree!!
wkleung88 網路會員	10) 2004/02/01 00:17 有本事報警呀!!! 真係想以後都唔去大澳 -------------------- 有本事報警呀!!! 真係想以後都唔去大澳 -------------------- 朋友係日本影左個阿伯就真係比人報驚煩左一大輪 ~
chochris2003 網路會員	11) 2004/02/01 00:39 我頭先都諗過報警架,如果個女人搞事,怕佢條毛呀,我朋友有單腳架
jsklee 網路會員	12) 2004/02/01 00:52 "我朋友有單腳架" 0羅0黎0拍佢?
jarvismen 網路會員	13) 2004/02/01 01:10 數碼普及後, 多左好多人影相大澳亦係熱點之一俾人影得多都火滾啦 >埋影野咋嘛,又無搞你D野影 o野唔係大晒 o架, 無個人都有基本人權佢 o既生活 (晒鹹蛋黃) 唔一定要俾你影囉仲有, 影人相其實其係都係一種滋擾當然, 態度差亦係個人收養問題
jsklee 網路會員	14) 2004/02/01 02:16 跟據香港法律,在公眾地方影相並沒有犯法,也沒有侵犯私隱權. 態度差先係最大問題.
jsklee 網路會員	15) 2004/02/01 02:20 但係遇倒惡霸都要小心,因為佢0地淨係識講人"拳".
.micros. 網路會員	16) 2004/02/01 02:43 係公眾地方影相基本上唔犯法﹐對方唔禮貌亦都唔犯法﹐大家都係運用自己o既權利去爭取同保護利益。呢o的o野好難講﹐人夾人緣囉 ...... 俾人鬧個一刻就一定唔開心﹐反正都改變唔到﹐對方唔係太過份o既﹐算吧。唔好太介意﹐攝影人應該會面對呢o的情況﹐總會發生o既。 -- http://www.pbase.com/micros
Vincent★帝國天使論壇版主	17) 2004/02/01 02:54 澹然處之... 景就無野...真是想拍人的時候...我永遠提醒自己..."人地是有權拒絕(合作)被拍攝的..."
jarvismen 網路會員	18) 2004/02/01 03:12 >跟據香港法律,在公眾地方影相並沒有犯法,也沒有侵犯私隱權. 人地響屋企門口晒咸旦, 應該唔算公眾地方掛? 再者係咪唔犯法就可以唔理他人感受照影? 我覺得每個人都應該享有對被攝說不的權利
jarvismen 網路會員	19) 2004/02/01 03:15 你響人門口舉機拍攝犯人在先 (對某 d 人 o黎講, 想影佢相已係一種侵犯) 仲好意思要求人對你好聲好氣?
Mading 網路會員	20) 2004/02/01 03:29 唔好話犯唔犯法呀... 如果被影者影完後會不快，我覺得都係唔好影喇~ 影少幾張相又唔係會有咩事o既~ 攝影係一門樂趣，何必要搞到其中一方參與者不快呢~ 最緊要大家開心、一團和氣~

回上一層第1頁 / 共6頁到第頁下一頁最末頁	到 1 2 3 4 5 6 頁

手札小舖熱門商品

more..