網路會員
|
70-200 大概足夠長, 長 d 仲好, 塊葉都大 d
>要唔要帶D FILTER
帶 CPL, 影景必備, 漸變灰都好帶埋如有好多時間
>三腳架
帶埋, 反正跟團, 日頭可放響旅遊車
雖然用得唔多, 但當眼見好靚夜景, 無腳響手就頭痕
另一個重要問題係電力同 CF card, 帶多幾舊電, 帶埋 digital wallet / laptop |
網路會員
|
請問行程、地點是怎樣? 幾年前曾到雪嶽山影紅葉旅行，雪嶽山一般的紅葉比較大片(樹的種類不詳)；個人心得如下: 70-200唔長唔短最好有extender 2X, 記得要有近攝環作近攝。IS作近攝時功能不清楚。近攝時可加小閃燈補光。 50/1.8可省回(以前曾有的EF鏡: 50/1.8, 28-135IS, 200/2.8L, 70-200/2.8L, Extender 2X) 三腳架: 近攝時單腳架較好用。三腳架太大隻跟本不會用。 http://www.pbase.com/karihuen/korea |
網路會員
|
bono兄，我用既電係goki既副廠電x3加原廠電x1，再加一個40GB digital wallet，唔知夠唔夠用??其實旅行用digital wallet可唔可靠??
JAZZ兄，睇完你既相，好靚既紅葉，令我恨不得依家就o係韓國呢。我第二日既行程就會去俗離山睇紅葉。
行程:
第一天：香港→仁川→春川明洞→江村
住宿於全港獨家入住GS江村滑雪渡假村或同級。
第二天：江村→南怡島【韓劇冬季戀曲拍攝場 ─ 水杉林道】→丹陽【俗離山國家公園(賞紅葉勝地，遍山紅葉，景緻迷人)、法住寺、AQUA WORLD溫泉(包入場)】
住宿於「丹陽大明渡假村」或同級（二人一室）。
第三天：丹陽【忠州湖(韓國小桂林，本社特別增加成本，安排乘坐遊船遊覽湖上美景)、島潭三峰、丹陽八景、人蔘田(每人可採4年根人蔘一枝，更可製成人蔘鮮奶即場品嚐)】→龍仁【繽紛夢幻樂園(包入場)】→首爾
住宿於四星級「Glory Hotel」（榮譽酒店）或同級。
第四天：首爾→揚州市【《大長今》主題公園(包入場)】→首爾【青瓦臺、高麗蔘公賣局、紫水晶城、明洞購物區、華克山莊】
住宿於四星級「Glory Hotel」（榮譽酒店）或同級。
第五天：首爾【冬蟲夏草專賣廳、自由公園(參觀麥克阿瑟紀念銅像)】→仁川【唐人街、月尾島、濟扶島海鷗船(包餵海鷗飼料)】→香港
|
網路會員
|
咦,嘜韓國而家都有唐人街! |
網路會員
|
看完行程，我個人就不會帶腳架，也不會加添器材。
如果想影少人D的相,記得坐車頭,早落車，早人一步到達，做快槍手，上車要最遲！
如果時間好,紅葉會好紅, 小心處理光源及一大片紅色(我不懂數碼顏色管理)；5天跟團(實得2天影相)不要抱太大期望。
最后個人忠告,讀萬卷書不如行萬里路,器材不用要咁多。 |
網路會員
|
但係器材一定要穩陣可靠!!不過帶埋零號雞嫂炭腳唔會好重!! |
網路會員
|
睇你張行程表，時間緊密，都冇嘜時間比你慢慢影。帶器材去一定要輕便，一機兩鏡一閃燈就夠，多帶一個輕便dc或傻瓜菲林機作後備，腳架就小型的就可以，因為跟團每到一景點，只會停留十多分鐘或半小時，聽導遊講解，你就要利用這十數分鐘作快速拍攝，等你開得腳架set好機，d團友又要去下一景點，到時每次都是你最遲，你估d團友會點睇你。要影靚相，一定要自由行，跟團去只可拍到一些到此一遊的生活照，有機會影到靚的就你好彩，因為時間不是由自己控制，帶太多器材都是得個背字，很多時都無用武之地。 |
網路會員
|
後備機最好是輕便dc,不要帶菲林機.
如果不是自己去,其他人可以幫你聽導遊講解,最緊要是集合地點及時間,不要做最後一個上車. |
網路會員
| |
網路會員
| |
網路會員
|
唔該晒咁多位師兄既意見。
老叟兄，我問左個朋友借支碳腳，始終有腳會好D掛。
JAZZ兄，我或者唔帶菲林機啦，直接帶部平DC算。不過座位我怕個團SET定左，希望唔好坐太後，相我會用RAW影，免得空有靚景，影衰左救唔返。
老中青兄，我諗我都會機不離身，希望儘量影多D相啦。至於自由行，我諗要等多幾年啦，一身都係鏡頭債。
MUGEN POWER 兄，多謝你既意見，到時要跑快兩步先得。
阿豪兄，你影既相好正呀，希望我到時可以偷多D時間。
SONIC888兄，我諗我都係T-SHIRT，運動褲再加件薄身GORE-TEX風褸。不過睇個時間表，我似乎早左去好多。唐人街，我眕下到時可唔可以閃遠D影下其他野。 |
網路會員
|
>digital wallet可唔可靠
帶 DSLR 同 wallet 出國 5,6 次, 無衰過
個 wallet 最緊要平時有用開又靠得住
日頭響車又行路又抄的話, 好易忙中有錯, 抄漏或洗錯
最好帶多 d 少少咭, 夜晚響酒店至抄
個 wallet 最好係可以 check 番抄左咩 file, 起埋有個知字 |
網路會員
|
看你的回應，你是很少出門跟團旅行的影友。通常跟團去，機上座位是帶團領隊取登機證後，由他編座位的。但旅遊車上的座位，基本上是沒有編好的，但多數會以第一次上車坐定後為準。你想不坐車尾，就要快過其他團友上車(步出機場後)，但亦要禮貌些。十月中，南韓的天氣都會日、夜相差很大的，日間約在攝氏二十二、三度、但早、晚會低七、八度，約在攝氏十四、五度，每天都要帶件外套放在車上。如果你是一人去，你帶那麼多器材，跟本沒機會拍到好照片。假若有朋友同行，大家互相照應，還有機會。 |
網路會員
|
bono兄，我個digital wallet係前排成成買DSLR加$888買既SAMSUNG 40GB HDD WALLET，睇唔到有咩file，只有容量同電量既顯示。不過早排俾我隻貓由枱面"伸"左落地，要入廠先用得返(佢地話只係個hdd鬆左)，所以我驚中途有問題。不過我儘量坐定定先過相，仲要問朋友借CF咭。
老中青兄，我真係好少跟團去旅行(其實係好少去旅行)。我諗真係要諗下計早D上車。我同我朋友同佢媽媽去，兩個都係女人，我諗到時佢地唔係唔幫我手，而係唔俾我影我想影既野(因為佢地今日同我講靠晒我幫佢地影相)。 |
網路會員
|
依旅行團的性質，還是忠告一句，攝影器材越少越好。Canon 20D+ 70-200 F2.8 IS+ 17-40 F4.0+ 50 F1.8 II 巳經十分足夠，脚架不單沒有機會好好利用，反而會成為負擔，影響旅行和拍攝的享受和意欲。 |
網路會員
|
最好換支小小白, 小白去旅行真係太重
我去親旅行都係 10D + 小小白 + 17-40 + Flash, 絕大部分時間都係用 17-40 |
網路會員
|
wlachan兄，其實腳架我會跟行李喼，搭旅遊巴放o係車，係夜晚先拎出黎用。應該都唔會有太大負擔。
bono兄，我都有諗過問friend借小小白，但我呢次係人像先決，而且好多時無時間同機會影幾2次，所以我都係用返最熟悉而成功率高既鏡頭。 |
網路會員
|
要影人像，不如在香港慢慢影。同時，你帶枝小白咁重，細枝Ｄ嘅腳架都唔掂，手持又容易手震。去旅行，多數影的都是全身或半身的人像風景相，小白無用武之地，反而晚膳時看舞台表演就有用。 |
網路會員
|
老實講,跟鴨仔團去影相??我一早巳經"意興闌珊"好耐!! |
網路會員
|
在七、八十年代，跟團去旅行唔係個個消費得起，去到景點都冇咁多人，D人又禮貌D，影靚相都容易D。有時睡不著，睇番D舊旅行相片都幾過引，現在再去，都影唔倒嘜嘢好相。 |
