pastel

新進會員

2003/12/06 23:08 請先登入後才可回應

器材: 其他其他

今日黃昏，出了尖沙咀影日落兼試新鏡。
平常出遊客多的地方拍照，都會有人要求幫手揸機拍照或問相機的使用難題。幫下人，無所謂啦。今日也一樣。

首先遇到個阿星，拿住部MINOLTA XT之類的找我幫忙。例牌先用中央半按快門對焦在人身上，修正一下構圖後就影了二張。那個阿星看了相片就不停說漂亮，其實個LCD反光，大家都見唔到影佐咩，不過他開心，我又覺得舒服就是了。

不久又有個大陸阿姐拿住部CANON IXUS之類的要求影相。無所謂，又例牌菜啦。只是她背了光，我提她身體的方向，加上部機手感不好，用多了一點時間，不過前後都不夠半分鐘。那位阿姐竟然說我咁簡單的相都影咁耐，看到相後多謝也不說就行了。這等大陸人，有錢買相機，出外自由行，卻沒買見識又沒買教餋。人家稍用點心思和技巧幫她把留念相影好竟要捱罵，以後這種人要影好相去旁邊用十五元請別人拍好了。跟我說普通話的我都不幫忙了。

dindindy 新進會員	1) 2003/12/06 23:17 量少非君子，無毒不丈夫。第一句EQ唔夠未必做倒........ 不如當對方比佢架相機你時....一縮手.....咁咪唔駛幫人影囉^_^
笨超新進會員	2) 2003/12/06 23:25 你已經幫了香港一把力, 遊客要求你拍攝也反映你對攝影有認識, 她回到國內看見先前你所拍的相, 有心思為她影靚相,她一定讚不絕口. 施比受更有福.何須生氣.
Vincent★帝國天使論壇版主	3) 2003/12/06 23:27 教你一招... 被人問到,一臉茫然望住對方,木無表情,良久唔出聲,人地會好快閃開
pastel 新進會員	4) 2003/12/06 23:35 我喜歡影相，幫人影冇所謂。只是為咩要受氣? 以前細個時，香港社會當D阿星係二等人，睇佢地唔起，我有時都覺得對佢地唔係咁公平。中國堂堂大國，但... 真是悲哀我讀書時有交很多很好的大陸學生做朋友，不過以中國來說，他們只是少數人。
jarvismen 新進會員	5) 2003/12/06 23:36 7月時去南非, 有個同團阿叔拎住部 S50, 叫我幫佢影相, 佢揀 o左個勁背光位, 我好心提佢面向多 D 陽光, 跟住即刻話 "得架啦, 部機識自動測光架啦!", 我心諗 "而家 d 相機有邊部唔係自動測光呀?", 你既然咁講我咪事 Q 但完就算到上個月去泰國, 有個鬼佬用部 DC 叫我幫佢影, 指明要影身後個塔, 咁我咪直到同我低炒囉, 佢即刻話 "yes, that"s better", 咁呢 d 咪叫識 o野囉, 影完猛咁話 thanks you 其實幫人影相我會睇你有無要求同俾部咩機我, 不過我通常都會好快咁影 (唔會改佢部機 setting, 係 auto 就 auto), 費事 side 大家時間
jarvismen 新進會員	6) 2003/12/06 23:43 其實有時 D 人見你拎住部 SLR, 多多少少都會對你有 D 期望至搵你影, 但其實部部機操控都唔同, 好難話識影相用你俾我部機就一定影得好我諗個阿姐 o既意思可能係 "咁簡單的相都影咁耐, 仲以為你好掂!"
Bus Fan 新進會員	7) 2003/12/06 23:43 Vincent：咁又唔好。到時又俾的遊客話我地香港人冷漠到死、對的遊客態度又差。我有次幫對外國兄弟影相，因為背光，我想用佢地部機既內閃補光，但我又唔熟佢地部機點用，於是我就同地解釋我既想法，佢地教我點用部機，我仲用唔同構圖包圍曝光左幾張。事後佢地仲話我好pro添。
*香港至NET超人* 新進會員	8) 2003/12/07 00:08 要半分鐘就真係耐左ｄ. 開閃燈就最方便, 呢ｄ到此一遊, 求其眼耳口鼻清楚就得, 睇到天仙咁靚都未必識欣賞, 影到就最實際.
Peter Chan 新進會員	9) 2003/12/07 00:21 十隻手指有長短,何必一竹篙打一船人?
Vincent★帝國天使論壇版主	10) 2003/12/07 00:24 Bus Fan: 只不過前兩晚領教過這種嘴臉,有感而發...不關拍照事其實我倒喜歡背光,至少臉,眼會比較放鬆沒有強光刺激, 強制開閃登補光囉
pastel 新進會員	11) 2003/12/07 00:24 "其實部部機操控都唔同,好難話識影相用你俾我部機就一定影得好" 係呀。我用開FM2，有次有個阿伯拎部FM過來，都有DD唔慣。不過有幸可以唔使錢摸下部古董機，都幾開心咖。^^ D阿伯一係唔出，一出都係老過我的手動古董，摸呀~^^ "要半分鐘就真係耐左ｄ" 因為唔識部機，D按好細，按下後都唔知按未，影佐相又冇SIGNAL冇黑冇閃冇定鏡，都唔知有冇影到，迷惑了一陣。
Vincent★帝國天使論壇版主	12) 2003/12/07 00:34 唔得我要講明先. 由於有小小敏感我唔會郁你地D題目,不過其他義工看到,也可能會移走的,移走了就要去保留區找
Yazoo 新進會員	13) 2003/12/07 00:51 算啦... 無謂同佢一般見識. 冇文化係唔分國籍的.
jsklee 新進會員	14) 2003/12/07 01:45 Not only the chinese, but some HK people also behave like that!
wlachan 新進會員	15) 2003/12/07 07:08 Only some?
前輩新進會員	16) 2003/12/07 10:05 我都好憎的旅行團團友叫我同佢映相, 是關去到的景點時,又想聽0下個導遊講解,又要避開自已個團之幾十人以免破壞個畫面,又要找位置構圖佈局裁剪測光,正是忙得甩衭都冇手抽番時,個死唔通氣的人形物體冷不防斜手遞只塑膠傻瓜機過來並大叫"喂!同我襟張吖" 真係宜得壹手將佢粒塑膠盒仔大力摔落地再踏三腳,方消心頭之恨. 哈! 我是爭先恐後擔凳仔霸頭位之 # 前輩 #
心急人YL 新進會員	17) 2003/12/07 11:06 施恩莫望報...幫助別人的時候要真誠和無私,助人為快樂之本,不用計較對方是誰和會有甚麼回答。為了面子和怕不好意思拒絶,而免強去幫助別人,無必要吧!幫不到別人之餘,自己又不開心。
chochris2003 新進會員	18) 2003/12/07 11:17 老實講自由行既人有幾多個係用得多錢呀其實自由行大把人都係靜係睇野多過買野一係就挑挑剔剔佢一定唔記得左我地香港人響文革既時候接濟過佢地
Arthur塗夫新進會員	19) 2003/12/07 12:08 可能手上有slr掛,時時會遇到do甘既人. 對唔同人,有時都要調整下自己d行為, 人地叫你影,你就即刻push個button,比番部機人算. 好多時會拍多一張保險. 真係唔明嗱住部傻瓜既人成日企係d背光位, 唔好諗同佢解兩嘴會明咩背光. "嘩,o個邊個境都好好喎,拍多張啦!?" o甘咪叫鬼佐佢地行去第度無背光度lor. (佢仲會salem,覺得你好好人,好熱心tim 超額完成bor!!!) 佢未必會(要)明咩係背光, 但係佢第日嗱住兩張相時就會知道你唔係流既.
fong9 新進會員	20) 2003/12/07 12:14 如此態度的中國人(包括全球華人)多的是. 曾子曰:吾日三省吾身. 從自己做起吧! 願大家共勉!

回上一層第1頁 / 共2頁到第頁下一頁	到 1 2 頁

手札小舖熱門商品

more..