琴晚去左城門河畔影相, 有個阿伯係咁望住我, 我當然係不以為意啦, 當我走o既時候,佢突然間問我: "幾多秒呀?" 一聽就知佢係問我曝左幾多秒la

細問之下, 原來佢後生果陣都有玩攝影, 不過就支支吾吾咁話後來冇玩, 其實都唔難理解, 佢果個年代, 機貴加上大家收入都唔高,真係未必有咁既能力玩d 咁燒錢既野, 好似我阿媽咁, 佢以前都有玩攝影gar, 仲要係借人部機先有得玩(佢話果陣d 機係全手動, 佢自己都冇乜點學過都影得幾好), 不過生左兩件化骨龍之後就冇咯.

咁我又問返個阿伯(應該係前輩至真), 做乜依家唔玩下呀, 好平之ma, 佢話, 氣, 眼都矇晒la, 嘥氣.......... 跟住佢o係個衫袋度law左個定焦既傻瓜機出黎, 佢話o係大陸度買, 兩舊水, 佢又問我, 唔知個傻瓜機可唔可以影到條橋既燈色......

雖然個傻瓜機係冇長曝光, 不過條橋咁光都會影到個輪廓, 結果我就同佢影左三張, 佢問我野果陣既語氣, 佢副黑色框o既老花眼鏡, 我依家仲好記得, 我同佢道別果陣仲不忘講返句 "happy new year" 希望我影果幾張冇手震

其實打咁多野, 想講咩呢, 其實攝影唔係必然, 好多上一代既人都因為外在條件因素而放棄攝影le 種嗜好. 大家依家可以隨時影, 隨處影, 數碼攝影更令大家可以盡情影,比起佢地, 我地真係好幸福gar