iLL_le

網路會員

2004/05/16 01:05 請先登入後才可回應

器材: 其他其他

今天經過約半年的掙扎，終於步進永成買小弟人生的第三支"L"鏡—24-70/2.8L。到了永成傳統相機部有一位年約25的四眼男sales招呼我，我便跟他說我要買一支ef24-70，他便進倉取了一支出來給我。他給我打開檢查，我發覺鏡內有幾點塵所以問他可否給我另一支作選擇，他很客氣又友善說﹕「無問題，買這些鏡一定要多揀幾支。」馬上他從柜內取一支出來給我檢查。很不幸地給我發現了這支鏡內其中一片鏡片有刮花，約長1cm。我覺得自己很麻煩，再問他可否再多看一支新的。他微一微笑說﹕「無問題﹗」隨即取出另外一支。這次我又發現有些污漬於鏡面，他亦很樂意幫我拭擦。最後付款時我心裡很欣賞這位年輕sales，刻意望一望他的名牌，他名叫Foster Leung。

wlachan 網路會員	21) 2004/05/18 10:42 >很不幸地給我發現了這支鏡內其中一片鏡片有刮花，約長1cm” >CANON D 鏡質素甘差 ﹖﹗如果係甘﹐ QC 都有問題 ﹗ 其實只要是「淺」的花痕，很多新鏡亦有，不單是 Canon，只是內鏡片比較難察覺，亦不會做成實際影響。反而光學的裝組調校手功重要得多，但要進行測試才知。
wlachan 網路會員	22) 2004/05/18 10:44 >那就奇怪了，陳小姐響度萬成D人都咁cool （雖然不算inch）。 >如果雙成D售貨員好似車行D人咁積極、熱誠，你話幾好呢！可能是薪金和制度問題。
Vincent★帝國天使論壇版主	23) 2004/05/18 18:42 你們知道誰是萬成"小白"麼?
iLL_le 網路會員	24) 2004/05/19 00:06 係咪康哥呀？
jsklee 網路會員	25) 2004/05/19 00:12 小白? 70-200/f2.8?
Vincent★帝國天使論壇版主	26) 2004/05/19 00:29 錯啦,繼續啦
沐雪網路會員	27) 2004/05/19 00:35 >>>最後付款時我心裡很欣賞這位年輕sales，刻意望一望他的名牌，他名叫>>>Foster Leung。呢位Foster哥哥一向(係一向，唔係最近先係o甘)都幾好人o架，而且好有禮貌! 所以我d朋友每次去永成都只係搵佢!!!
Peter LO 網路會員	28) 2004/05/19 00:54 小白?同蠟筆小新有無關係o架？
Vincent★帝國天使論壇版主	29) 2004/05/19 01:05 No.
laipeter93 網路會員	30) 2004/05/19 04:03 macroadster : 果條「死粉腸」有一次想"點"我老友買野，後來被我加以制止。
沐雪網路會員	31) 2004/05/19 21:47 >>>macroadster : >>>果條「死粉腸」有一次想"點"我老友買野，後來被我加以制止。介唔介意講個詳情出黎研究下???
chochris2003 網路會員	32) 2004/05/19 21:54 我由開始玩攝影到而家都有七年,但係我只會去成成睇野,而唔會買野
macroadster 網路會員	33) 2004/05/19 23:11 laipeter93：「 macroadster : 果條「死粉腸」有一次想"點"我老友買野，後來被我加以制止。」係o羅，講黎聽o下！
laipeter93 網路會員	34) 2004/05/20 04:28 有一次我和朋友去睇閃光燈，佢係用Pentax *istD數碼相機，而之前我們響catalog上，見到一些關於閃光燈的介紹。而我果位朋友，想要支有無線引閃功能的閃光燈。他見到Pentax AF 360FGZ和AF 500FTZ閃光燈，咁我本身又係用緊AF 500FTZ閃光燈，我當時向他指出，AF 500FTZ閃光燈係沒有無線引閃功能，只有AF 360FGZ閃光燈才有。當時，我借支閃光燈俾佢測試，結果他相信我的說法。之後和他去永成睇閃光燈，問果個「粉腸」，佢居然向我話AF 500FTZ閃光燈有無線引閃功能，仲話100%保證係有無線引閃功能添呀!!!嘩...我用左呢支閃光燈，已經超過8年啦!!而且，我也翻查過說明書，有關的閃光燈係冇無線引閃功能。於是我立即打開我個相機袋，將自己支AF 500FTZ閃光燈拎出黎，叫佢自己示範一次俾我們睇，結果係唔work。然後，我再叫佢拎支AF 360FGZ閃光燈出來，我提出由我自己親自示範，結果試到係有無線引閃功能喎!!!佢居然仲用好厚面皮兼夾唔耐煩的態度問我們 :「你們兩個到底係咪幫襯架??」我於是馬上"回敬"左佢一句:「唔識閃光燈功能就咪x亂咁點人地買野啦!!買左用唔到倒轉頭俾人"diu"果個咪係你!!你宜家乜x野態度呀??我係唔冷買，你吹我脹呀??」最後，我們二人立即離開永成，並即時去萬成搵康哥請教。結果他在萬成，買下Pentax AF 360FGZ閃光燈。我們也萬萬想不到，一間咁出名、老字號的攝影器材經銷商，居然有一些"老點"人家買野的伙計。但是好可惜....呢件事情到最後的答案非常簡單，佢咪就係響我們面前出醜囉!!
iLL_le 網路會員	35) 2004/05/20 13:35 laipeter93兄你話果條友係"後生"定係"中坑"黎呀? Vincent兄，小白係咪果個中間分界、無四眼、串串貢果個呀？
wlachan 網路會員	36) 2004/05/20 15:01 re: laipeter93 其實賣咁多o野，記錯 spec 一 D 都唔出奇﹔身為 Pentax 用家十幾年，我都會有啦。況且你o地已經決定買 360，又何必多此一舉去問 500 呢？最後用粗口收場，實在有 D 無謂。
laipeter93 網路會員	37) 2004/05/20 15:31 iLL_le : 金毛黎架!!!
laipeter93 網路會員	38) 2004/05/20 15:41 wlachan : 其實我一早已經話左俾我朋友知道，只有Pentax AF 360FGZ閃光燈，才有無線引閃功能。只不過，當時他正在一個陷入一個半信半疑的狀態。講番當日我響永成咁鬼火，主要原因就是售貨員果一種非常「死唔認錯」的態度囉!!!如果當時果個售貨員肯"兜"番，唔死撐厚面皮、兼夾低聲下氣的話，我都會就咁算數。不過我最唔抵得的，就是佢衰左都仲唔知衰，態度又差到離晒譜。如果掉轉果個顧客係你，你又會如何呢??可能你會就咁算數....不過我性格就比較燥一點，對於一些唔講禮貌、唔識尊重別人的人，我就一於老實唔客氣。「你點對人家，人家就點對你」
wlachan 網路會員	39) 2004/05/20 16:39 早十年可能會介意 D，不過人大佐，多佐o野煩，sale 服務質素對我已經不太在意，尤其是香港。至於要陌生人低聲下氣道歉，無論對與否，實在太難。所以在港購物，好o的會傾多兩句，差的只會集中精神 check 貨，俾錢就走，實在無需要放太多精神在 sales 身上﹔反正又唔係做朋友，又唔係做員工審查。
Vincent★帝國天使論壇版主	40) 2004/05/20 16:45 小白=白眉!

回上一層上一頁第2頁 / 共3頁到第頁下一頁	到 1 2 3 頁

手札小舖熱門商品

more..