|
新進會員
|
鳳凰山觀日出係唔錯既提議,
不過唔好假日去,太多人啦,
由寶蓮寺出發比較易行,
每天早上四時許有一群大師晨運上山,
唔識路既跟住佢地行就得既勒,
常速約一小時可到達山頂,
要著夠御寒和擋風衣物,
上次上鳳凰山觀日出算幾好運氣,
前景有一大片矮山(芝麻灣半島)和小島(長洲和南丫島),
如果天氣預測晴朗,值得一去. |
新進會員
|
下星期二會氣溫下降至12度, 不過似乎是溫流後的大北風天, 很多時都只會霧鎖山頭,
上到都冇咩好睇, 返而山腰就比較易有霧帶飛馳.
我行山都不鍾意急步走, 又不是比賽, 快走只會錯過很多有趣東西呀.
照睇我右腳的傷勢, 未來一個月都不宜行長線, 尤其是落差大的山徑. 我會試試多搞
一些活, 樣大家有多些互相學習及拍攝機會, 希望大家能夠抽空啦. 不過未來兩個月
的星期六、日都未必得閒, 唔知有冇人是閒日放假既呢?
|
新進會員
|
以上兩位人兄對行山都很有心得，如能結伴同遊一定樂趣無窮及增益不少，只小弟的工作是要輪休的，要約埋同行，會麻煩些少，希望有機會呀！
香港至*NET*超人兄:
今朝睇過閣下的相簿網頁了，很精彩，你所拍攝的題材都很廣，從畫面知道你的確上山下海地去拍攝，實令小弟大開眼界及偷師。
SH162兄:
你又會認識我站頭的亞添？你有無同佢行山呀！佢行山慢過蝸牛，沿途冥想呀佢！ |
新進會員
|
說到露營看日出,塔門也是一個好地方,
從西貢市中心乘94號巴士到黃石碼頭,
車費非空調$4.20,空調$5.90,
再轉乘街渡經高流灣到塔門,
上岸後隨石屎小徑上山崗頂,沿途都是草坡,
風景甚美可堪入鏡,
但村民多養牛故草地有牛屎, ^﹏^
山崗上向東面海洋一望無際,
如天氣好,看日出將不會失望而回,
只是嗜行山者會稍嫌路程短,
適合男女老少。
Re: PHFU兄
亞添份人咁鬼懶,邊有咁神心同你行山丫?
佢情願孤家寡佬攤係天台望星,都費事啋你,
點啊你,農曆新年編休執唔執到支好籌呀?
|
新進會員
|
Re:SH162兄
過年的編休還未出，要過多兩日就會知！
齋佬近來都不知幾積極，最近經常去影相呀！重買了一枝 MANFROTTO 的單棍添！
遲些約埋佢去霧營啦！
你提議的塔門營地算是方便省力的地方啦，要揹著重裝備都很吃力，最好近近地，我最常去的是
貝澳營地，但在星期五 六 日就非常之爆棚，十足難民營，不過她的確方便,水源,廁所齊全適合有家眷同遊。
如有三日兩夜的假期可考慮去大浪西灣或東壩,浪茄營地，從北潭涌回旋處乘的士去西灣亭約37元，去東壩約58元，去海下約50元。
|
新進會員
|
RE:SH162
塔門的牛是野生的, 是由舊一批村民放生, 他們不再屬於任何人.
塔門是一個好地方, 露營地點不錯, 可容納數以百計營幕, 山上還
一個石地球場, 可供各式集體活動. 日出位是無敵大海景, 五分鐘
步程是警署, 十分鐘步程為碼頭及公廁, 附近士多都開放至晚十時
左右, 絕對是一家人郊野及野營的好地方.
.ps 往塔門除街渡外, 還有「中飛」, $20一位式者是$100包艇...
|
新進會員
|
re:phfu
你好呀. 我好鍾意行山o家, 一般都會影o下相既, 不過就唔係好靚, 見笑啦.
不如搞一次手扎行山影日出好唔好?
|
新進會員
|
Re: PHFU
如果有三日兩夜的假期,可以去的地方就有得揀啦,
浪茄灣比大浪西灣更靚,搭的士從北潭涌直抵東壩,
單是在東壩上影相己經過足癮啦,從壩頂左面灰色
水泵房(可能係電制房)旁邊石仔步過矮山頭,跟住
石屎小徑直落沙灘,快者步行半句鐘慢者四十五分
鐘,這沙灘水清沙幼,三面有山環抱,但望海方向稍
偏南,夏天無機會看到日出水平線,冬天或者會有些
機會,小弟每次去都適逢是夏天.去大浪西灣的優點
是不用走回頭路,好像你上星期一樣,由赤徑乘街渡
回黃石碼頭,如果天色睛朗,兩處都是一級目的地。
亞添都算醒目喎,有支單腳架的確可令影像更sharp,
下次搞活動,睇黎埋班都有好多人勒,你過年後你有
無幾天連續假期呀?有既話搞一次露營都唔錯,小弟
個蒙古營都要搬出來曬下啦。 |
新進會員
|
小弟在二月份只有單日休假如下：4 10 15 21 27如巧合可約埋行山影相如何！ |
新進會員
|
Re: PHFU
啊真可惜!你的假期全是放閒日,而且不連續,你新年假幾時補呀?
小弟可能在二月,放大假十多天,可能外遊,但未落實,
如有時間到時找你,不過就算影一日相,即日來回都好呀! |
新進會員
|
Re:SH162兄
好啊，老兄大假在即一定心情靚靚呀，去外遊影多D靚相返o黎 叫埋小弟出來睇相好嗎？
我的年假還未定？？？？ |
新進會員
|
Re: PHFU兄
好啊!大家一齊影下相睇下相,研究研究。
先在此祝大家羊年羊羊得意!吐氣羊眉!
影藝猛進,盡享攝影帶來的樂趣! |
新進會員
|
Fu兄:
明天編休去萬宜水庫浪茄灣嘛,真是一個好既決定,
記得在大堤壩影多D相啊,最重要記得帶埋你支20mm,
否則咁廣闊既靚景會影唔哂,會很可惜.
最有氣勢是用20-wide由壩頂向下壩破邊洲方向影,
雖然最近都係陰天,睇黎明天都係差不多天氣,但勝在涼爽,
不過陰天有陰天影,如果你上次換機買Contax就好囉,
Zeiss鏡頭在陰天顏色都非常濃艷也,與日本鏡有D分別,
Leica陰天都係咁濃艷,但係貴好多啦!都係Contax抵玩D.
浪茄灣水清沙幼,真正一級海灘,睇黎咁陰天都係看不到日出了,
可惜小弟明天無假,否則一定與兄同行,共享旅程樂,
去完請post上來敘述行程,等小弟分享一下啊!
看看兄台喜歡上次大浪西灣或今次的浪茄灣呢? |
新進會員
|
Re:SH162兄
昨天的天氣非常之好,風和日麗,行了東壩至吹風拗，影了筒幻燈片，今日睇手札時已要出門返工啦，有空再回覆，拜拜！ |
新進會員
|
何兄:
早前電腦中了病毒，最近才康復。
今次行山就無帶支20mm去,因為用F80是不能測光，影了筒Slide，
天氣出乎意料之外，非常之晴朗，陽光充沛，我由北潭涌回旋處乘的士
直奔東壩只需十五分鐘就到，但如果用腳行要成三小時(10公里)
車費58元，在大東壩影了一個鐘相，真是過足癮，以後就開始走上山徑往浪茄灣
只花半小時，那處當然是香港一級海灘啦，因地處偏僻，加上有個福音會，所以令到那裡更加清靜祥和，在山上俯瞰，有些少外國農莊feel，跟著就直走(314米)西灣山，
最近漁護處在西灣山頂建了一座八角大涼亭，的確是德政，方便行山人士在烈日當空時有處陰涼位，歇一會，在亭內可遠望西貢內海或更遠的將軍澳釣魚翁山，落山往吹風坳，在一處靚位東望可見四大名灣(大浪西灣、咸田灣、大灘、東灣)
最後在西灣亭打的回北潭涌。
我的Slide在14號起貨，你可有時間指教。
|
新進會員
|
Mr.Fu, 哈哈,你終於猜到了!
不好意思,迷藏捉得稍為久了些,見面自隊大喜力一支謝罪.
指教卻是不敢啦,大家研究研究,樂趣何其多也.
由於政府保護西貢東北面,不准私家車駛入,
令該處二十年來改變不大,仍保持未被污染.
小弟第一次踏足大浪西灣時,萬宜水庫尚未建成,
糧船灣洲還是一個島,後興建西壩連接北潭涌黃泥洲,
東灞連接西灣山,才有今天陸路直達的方便,
以前要到,一定要乘船,(俗稱大眼雞)由西貢碼頭出發,
水庫由七十年代初開始興建,至八○年完成,工程當真浩大,
東灞至赤徑這地方一直很有吸引力,請勿見笑,小弟一共去過差不多十次,
隔一段日子又會想再去過,有機會真的要與兄同行,想必樂事也.
|
新進會員
|
你就好啦, 我新年到而家都未行過山, 腳都痕晒! 希望下星期一得閒去郁O下...
|
新進會員
|
SH162兄：
見到你現身，我和太太都開心到大叫起來，仲開了支酒互隊添。
其實一早都知係你啦，哈哈哈哈！
在本港行山的路線多不勝數，但我個人多孤身上路，因休假關係，只會去一些比較有明顯路標的路線行，較安全D，行山隊多會行些更尋幽探勝的路途，但他們多數在星期日出發，星期一至六其實都有隊行，不過未必適合，而且我又行得慢，要沿途欣嘗風景或影下相，跟行山隊多會包尾，試過落後被拋掉的經驗了，
所以識行的路線不多，西貢郊野公園算係最常去，範圍又大風景又靚，你何時有空一起去，我會在六月下旬放年假，去浪茄灣露營好嗎？
Re:香港至Net超人兄:
你的腳患康復了嗎，腳痕呀！想行山呀！我在21號編休，如合約埋行下，路線隨意你選，如何？
|
新進會員
|
2月21日的工作應該只是一般, 與太太相就一下, 行山應該沒有問題.
多謝你的關心, 由於冇有遠行, 雙腳情況係點真係唔知, 不過應該冇大外既, 我估行6小時山應該仲可以應付, 10小時就未必得, 上落復度大既亦未必得. 今天睇左一個TRIP, 就是由鹿頸入榕樹凹、鎖羅盤、荔枝窩、三椏村、苗田、烏蚊騰完, 路比較平, 經過的海岸線較多, 適行山合拍攝.
|
新進會員
|
RE:phfu
請問西灣亭打的回北潭涌要幾多錢呢，另外東霸到西灣亭要幾耐?
星期二打算和女友去行山，上星期已到赤徑，咸田灣，西灣亭 |
|
|
