網路會員
|
2004/06/11 12:31
器材:
其他 其他
上次亞妹註冊日被一個用色馬鏡做主力o既專業攝影師攝曬我位等我冇得影snaps 後, 多得大家為我抱不平. 今日我想同大家講翻6月6日婚宴當日o既情況. 當然又緊係有新野啦!
首先, 你地咁多位大佬們有冇D係老手, 由廿幾三十年或以前已經開始影相, 重要隔日先有相攞o個隻年代. 當時有一D跑腿專走暈港九各處, 為一D門市/散舖收菲林翻工場曬, 然後又送翻去D門市/地舖? 如果有o既話, 你地有冇人聽過或者識得 “鄧伯” 呢個名? 佢同佢個大仔同埋大孫(亞妹註冊佢都在場)都好鍾意影相, 同時佢地亦係freelancers. 佢地一家都係睇住我地幾個大, 而我地兩家人亦因為係鄰居o既關係而識佐幾十年. 婚宴當日佢個大仔o既一家都在場, 亦大剷這位專業攝影師o係婚宴上o既表現. 我講咁多野無非都係要証明我吾係作故仔!!
多講一句, 如果你地咁多位大佬驚你地D屋企人第日辦喜事時撞正依條友, 只要你地是但有一個人要求, 我都會o係呢道用D大家易明o既方法公報這位pro cam man的名字及公司名稱, 以免大家第日吾好彩, 好似我咁攪到一肚氣. 仲有, 有D相佢攝吾倒我就特登做快閃黨入我鏡, 仲要係由右邊入, 等我隻左眼見吾倒佢, 我影完佢就o係我左邊出現, 所以我非常火滾!
講翻o岩o岩過左個星期日, 亞妹個婚宴採用自助午餐形式o係酒店內擺, 而我就o係個reception開始前大約個零鐘揾我表第幫我同我亞媽影幾張相留念. 個pro cam man當時o岩o岩到場, 見倒我就另轉面, 亦都冇同我亞媽打招呼. 再加上我諗翻個pro cam man o係註冊當日, 當我亞媽簽婚書時佢叫: 等等, 簽明o個位望望依面. 伯母或主婚人或新外母或新媽咪都吾叫聲我就火都呢埋.
Reception開始後我有我影snaps, 個pro cam man就冇再攝我位, 可能賓客開始到場而要 “揾食”, 而因為亞妹口口聲聲都幫住佢, 所以我一直都避開佢. 但個video man就令我有曬大老細feel. 因為佢全程跟住我, 一時又企正我對面. 我一想影野佢就又用長明燈照住我, 我放低機佢又熄燈. 如事者十多分鐘我就同佢講: “我冇咩好影, 吾該你吾好再影我影緊相個樣, 就算影, 十幾分鍾乜都影夠, 你要影都影對新人或者兩邊家長啦, 你再用燈阻我影野我就用頻閃泥掃你, 掃到散席為止, 我有兩支燈同埋大把電, 掃到你部DVD Cam 粒sensor燒埋都得”. 佢粒聲吾出就轉身走開.
又因為只有七枱人, 個pro cam man又依然用33v+550燈滿場走, 但o個日我終於見到佢支色馬完來吾係super wide, 只不過係支35mm起首o既大光圈zoom, 當然我就冇刻意望佢, 亦都吾知佢係咪新鏡, 同33v夾吾夾. 只不過係我地女家親戚叫我影相時佢又走埋泥, 奇怪係冇新人, 只得我亞媽同D親戚都閃埋泥. 依D我都吾怪佢, 但有一次佢影緊新人o係台上o既相都拿拿淋影完就走到會場尾同我平排影. 有幾次個pro cam man 走吾切, D親戚都走開曬佢竟然叫人翻轉頭比佢影多張, 但一影就連影兩張. 當時我亦多左一個問號, 就係個pro cam man幫我個妹燒錢我吾怪佢, 但點解全程吾用28-70L而不斷用支色馬? 跟住我就同鄧伯個大仔講, 佢同我都諗, 一係就支28-70有問題吾敢全程用(眼見佢支鏡已經用到甩皮甩骨), 一係就扮pro咁不斷換鏡(但換泥換去都係o個兩支), 一係就係依色馬鏡靚過支原廠28-70(有侍指教).
到新人切蛋糕時就係我同佢o係當日第一次正面交鋒. 亞妹話佢係pro我當然冇野講. 但我覺得, o係冇人會阻你o既情況下佢冇理吾企o係D有利位置影野, 吾同位影多幾咪重好, 且起碼會被人覺得佢會影倒全個蛋糕加一對新人, 理應影埋落刀o個一刻. 但佢就好似遊白雲咁吾知做乜, 想影又想吾影咁, 因為佢企個位係個蛋糕擋住刀尖同埋新郎, 係絕對影吾倒二人落刀一刻, 而一對新人亦吾知乜事, 仲特登定格等佢影, 根住仲特登移位, 前後身企定等佢影, 周圍都冇人阻佢佢都吾走位. 我老遠見倒佢發台蕰覺得吾對路, 我就拿拿淋閃到我個妹面前補影, 好彩o個刻我因為為左避開佢D攝位功, 架G2裝左支Biogon28諗住去攞全台境, 最初打算我只係企埋一邊由左邊個蛋糕起首影到個台右邊, 就算冇正中位企, snap得泥都叫做有D構圖, 點知我補完位(絶吾係有心攝佢位, 因為我費事同佢踭來踭往激親亞妹, 我都特登企開大約有一個人o既身位, 仲o係個pro cam man右邊身踎低影就曬佢吾阻佢)影左四張有全身有半身新人切蛋糕o既相, 我亞妹佢地放低把刀, 個pro cam man先出聲話: “係係hold住hold住, 補多張”. 真係吾知佢係架機出事定佢有事, 吾知做乜?
講到依到, 你地都可能覺得我因為先入為主, 亞妹話我D野吾掂而對依個pro cam man 有偏見, 如果你地覺得我係o係道揾same tone of voice, 其它例証我吾多講, 請睇埋以下一個極誇張o既犯錯例証.
相問問大家如果背境係室內落地玻璃而見到有未走o既賓客襯散席後清場前用DC以灣仔做背境, 貼住玻璃影相, 你地會點做?
雖然已經係下午3點幾, D賓客走得七七八八, 個pro cam man見人月DC自己影野, 竟然o係當時又走埋去, 我亞妹又被依個pro cam man叫佢同朋友影多D相. 佢當然冇異議, 但作為一個收人錢o既攝影人, 見到此背境, 一係就叫人落翻curtain, 一係就同被攝者講玻璃會令閃燈打出泥o既光入鏡, 做成白茫茫一片, 要轉位, 企則D, 吾好貼玻璃影. 再吾係就係影o個個企高少少避開玻璃D反射光, 又一係就問我借支Metz40MZ, set ex-wide mode(20mm), 用35mm或更長焦距影, 同將燈頭向下(550燈吾知得吾得). 6月6日正午後係咩天氣大家仲記吾記得? 佢就算要幫人燒錢都起碼用20 mm或更闊o既鏡去攞大D境深啦同埋吾用燈啦. 但佢竟然用色馬+閃燈直打落玻璃道. 就算佢係用我以上咁set燈法去影, 一用燈, 就算佢技術高超, 你地話會有幾大境深, 而出面D雨越落越大, 佢點用灣仔一帶做背境? 白曬, 扮夢境?? 跟住我就同鄧伯個仔大大聲話: 有冇攪錯亞, 吾用班屎. 跟住佢連望我地都費事, 用左班屎影兩張就吾用, 用翻直打, 鄧伯個仔就同我講, 佢咁影點得嫁.
問心, o個個位因為有射燈槽, 打班屎要好講技巧, 要被開燈槽同天花o既凹陷位以免反光量不足之同時又要有超班技巧被開射燈燈罩o既金屬反光物而做成圈圈環效應, 令被攝者身上/面上出現不理想光帶, 所以如果係我, 我一定吾影. 因為我地女家有位上年紀o既賓客遲到, 吾等吾得, 婚宴已over run 一個鍾, 酒店已要交場, 同埋妹夫同亞妹原先已經坐定定check緊張單, check緊張單亞大佬.
|