最近熱話題，菲林與數碼，人人想知道，優劣比較下，
　　　各有各優點，冇話邊隻渣，睇你嘅需要，兩可兼得！

　　　數碼免沖晒，睇落幾慳下，機貴多幾倍，最驚佢跌價。
　　　背後要電腦，共兩皮幾！要用嚟晒相，邊用得晒呀？
　　　
　　　最近有人講，菲林就快瓜，有機冇片用，快Ｄ轉數碼。
　　　其實冇咁快，一於定Ｄ啦，只係靜咗Ｄ，仲有排玩。

　　　一定會貴咗，錢定會多花，市場嘅定律，量少會貴價。
　　　普及型菲林，少人買丫嘛，漸漸會淡出，市場效益差。
　　　
　　　剩番專業級，貴族機啱啦！要影負片咩？富士Reala。
　　　士拉嘅味道，數碼怎代它？大把菲林機，你同我定呀！

　　　想要有得賣，就要支持下，Ｄ貨去唔到，間廠唔造啦。
　　　想要埋數碼？買部Scanner，你部很慢嗎？有Ｄ好快！
　　　
　　　像素六百萬，只須九秒咋！專業級速度，質素頂瓜瓜。
　　　士拉要晒相，將佢數碼化，顏色和深淺，主意自己揸。

　　　趁此春日暖，閒來拍下花，找位靚美媚，盡情拍拍她。
　　　靚機唔拍攝，就快發毛啦，乜都影一餐，睇相開心嘛！
　　　
　　　想吃即食麵，數碼啱用啦，包圍式怕攝，一炮影一打。
　　　即時可翻睇，係佢強項也，持住唔使本，愽命噤失打。

　　　未經過思考，冇張睇得呀，唔删除咗先，電腦塞到怕。
　　　機價跌得快，新款取代它，兩年跌一半，喊都無謂呀！
　　　
　　　買咗愽命噤，蝕底當敗家，啱街頭亂拍，拍壞Delete也。
　　　各有各開心，當不在話下，兩樣我都啱，又再出動啦！
　　　
　　　

---

推薦者: POWER2005

   菲林與數碼=外邊的女人和身旁的老婆.

   能代替和能攪錯.

數碼取代菲林是時間問題(正如黑膠及CD的情況一樣),但在排除冲印問題上菲林與數碼現在不宜比較,一個是(色彩)無限及有限的分別怎樣比較.
但在各大廠商缺德的問題上,他們在推出新產品時把所有原用多年的SLR 35MM標準推翻(從冲印到感光原件的大小),等所有人換掉后又再把以前舊有的標準從新推出(因他們可以說是成本問題),現在買下的消費者又再換一次(因非35MM全幅的感光原件必定是淘汰的產品)這樣的手法洽當嗎?現在的消費者就是敗在科技二字,不論那一種數碼化的產品,這不是一個健康的消費.

　　　　　
　　　　　　　菲林與數碼，這話題咁又過咗三年，
　　　　　　　今天再討論，睇吓各位有乜補充吓？

　　　　　　　　　　　　　我係認真架

　　　　　

　　　　　　　　　　　菲林與數碼
　　　　　　　　　　　快樂　10法

　　　　　　1.　福樂

　　　　　　　　別老想自己沒有好東西，
　　　　　　　　數碼、傳統、銘鏡。

　　　　　　　　即時細數自己擁有的福樂，
　　　　　　　　例如健康、家庭、朋友。
　　　　　　　　人行得、食得、睡得、造得
　　　　　　　　已福樂，感謝蒼天眷顧。

　　　　　　2.　生活

　　　　　　　　八小時工作，八小時睡覺，
　　　　　　　　八小時玩耍，一天只有24小時，
　　　　　　　　不要整天上　Facebook、查電郵、
　　　　　　　　講手機，撥些時間帶台菲相相機
　　　　　　　　或數碼﹙要廣角﹚，陪孩子、妻子
　　　　　　　　沿途玩耍拍照，放慢生活步伐
　　　　　　　　會有更多喜悅。

　　　　　　3.　購物

　　　　　　　　數碼、銘鏡科技每年每季都有改變，
　　　　　　　　貪婪會令人失理智地追求物質。

　　　　　　　　別每次經過相機器材店看看新產品，
　　　　　　　　要逛就逛郊野公園，對錢包和健康都有益。

　　　　　　4.　運動

　　　　　　　　每週或每月同機械/數碼相機做運動，
　　　　　　　　菲林機上快門，數碼轉動功能鈕，
　　　　　　　　按下快門模擬拍攝，這樣可調適人
　　　　　　　　的荷爾蒙，機械機潤滑油，令身心
　　　　　　　　機蕊釋放的化學正能量。

　　　　　　5.　簡單

　　　　　　　　五天工作，周五帶一機一鏡，
　　　　　　　　買筒菲林，數碼8GB或拍短片，
　　　　　　　　不要計較晒相錢，簡單拍攝，
　　　　　　　　令你操作相機更加得心應手，
　　　　　　　　你同身邊男女同事上司主管，
　　　　　　　　齊互動可增加感情同滿足感，
　　　　　　　　釋放着一週工作壓力，周末、
　　　　　　　　假日開心因子。

　　　　　　6.　實際

　　　　　　　　攝影會或主題比賽，別做白日夢，
　　　　　　　　拿取頭二三名，如看過這十招入圍還可以！
　　　　　　　　倒不如花點心思在家人、朋友、聚會、
　　　　　　　　旅行、行山、遠足，啟發健康而快樂情緒。

　　　　　　7.　認衰

　　　　　　　　相機同人一樣是沒有完美的，
　　　　　　　　別終日只顧買弄名牌身份，
　　　　　　　　發覺購入錯誤，操作沒有手感，
　　　　　　　　應勇於認錯，轉賣二手店，
　　　　　　　　或便宜點賣給拍友，捨、得。

　　　　　　　　身邊拍友得益，人亦會敬重你，
　　　　　　　　有捨才有得。

　　　　　　8.　時間

　　　　　　　　去拍攝場地可以的話用最短時間到達，
　　　　　　　　坐公車轉折多時間久嘴炮多，交通意見
　　　　　　　　嗌撬多。

　　　　　　　　我個人經驗花在交通時間越長，
　　　　　　　　拍攝情緒指數越易低落！

　　　　　　　　有車、坐的士聽起來已經很快樂。

　　　　　　9.　執着

　　　　　　　　菲林與數碼很難作一個話誰是優勝，
　　　　　　　　我個人是傳統派拍攝比較保守一點。
　　　　　　　　我喜歡拍小孩、微距、靜物、動感
　　　　　　　　同冲黑白菲林。

　　　　　　　　近日買了一部數碼相機感覺很不一樣，
　　　　　　　　人要包容試試新事物，輕便、自由、
　　　　　　　　上傳無邊際的網絡世界。

　　　　　　　　菲林與數碼兩者兼容並蓄，
　　　　　　　　執着與自由，人也快樂多。

　　　　　　10.　快樂

　　　　　　　　拍攝就像愛情一樣。
　　　　　　　　作品同感情不要太着力追尋，
　　　　　　　　反而不會出現你眼前。
　　　　　　　　放鬆點，快樂與驚喜自然跟着你。

得 失 輕 拋 雲 天 外

物 我 兩 忘 煙 水 間