toyota

--- 今日帶左口罩, 覺得自己靚仔左好多...
--- 同樣, 帶左口罩既女仔, 眼神特別迷人...個個對眼都識講野---"你...有冇病?"
--- 近來, 打劫銀行既賊, 多左好多掩護. 因為連樓下保安都帶口罩....好難分...
--- 3m 既8210 口罩大行其道, 新一代既 6610 聽講可以換殼同埋加相機
--- giodano 將推出口罩衛衣, concept 來自有帽既衛衣,不過將頂帽反轉放係前面...
--- 希望口罩有士多啤利味...
--- 即將推出情侶口罩, 一個罩, 罩兩個頭... concept 來自胸圍......
--- 接吻口罩, 情侶可以無菌地親吻,愛在瘟疫蔓延時
--- 口罩可以令港人團結, 你話有幾何全民都有相近打扮
--- 戴口罩唱歌會成為潮流, 口罩歌手更自稱實力派,因為係真正唔靠(唔可以靠)樣既歌手
--- 據報, 有人錯拿女友手袋中既衛生巾當口罩... 仲問點解無左扣耳既繩....
--- 公共屋村多左人丟用過既口罩落街... 比丟用過既女性用品更嚇人...
--- 有位天才發明左透氣既對流口罩. 以後口罩唔再焗.
--- 新近口罩多左除臭設計, 可以加臭丸, 原來好多人個口比腳還要臭...
--- 由於口罩已經全線缺貨，所以有人以乳罩略加改造，充當口罩，
更與另一半共同分享。 - 乳罩改成的口罩，據聞比傳統口罩更為安全，
因為好多乳罩都已經加上厚塾，比傳統口罩更有效阻擋肺炎病毒。
--- 乳罩改成的口罩，比較傳統口罩更為美觀，有女士以lace;邊乳罩改成口罩，
在旺角街頭漫步，引來途人的注目。
--- 由於32A乳罩的大小適合改成口罩，因此亦一如口罩般被搶購。
有市民在街頭兜售新鮮出爐的乳罩。
--- 亦有市民為了追上時尚，以比堅尼改成口罩，貪其設計比乳罩更多變化。
--- 有關當局呼籲市民勿以以比堅尼改成口罩，因為其質料更不透氣，易引起呼吸道毛病！！

近期流行語句:
-「你今日戴左未？」成為近期流行句子之一
-「型到跌罩！」同上，但範圍下降至七歲以下
-「離晒罩」多左新解釋
- 公司炒魷新理由：「因為你冇戴」

Carlyle