2003/03/21 21:21
器材:
其他 其他
報殊開戰前原來打過電話俾殺達母講數。
報殊︰「拿,我俾足晒面你老人家喇喎,叫你乖乖地流亡,你條契弟仲賴死唔肯走,信唔信我真係揪你架?」
殺達母︰「我就唔走,你吹咩?」
報殊︰「頂你個肺,你唔肯走我點搵個傀儡黎坐你個位呀?我個傀儡唔坐正,我點樣搶到晒中東石油D話事權呀?你咪阻住亞叔發達好喎 !」
殺達母︰「我就唔信全世界睇住你都仲炸我地盤‥‥況且你眼界不嬲都唔多掂,陣間你又好似上次咁炸中晒D民居呀、大使館呀,我睇你點同全世界解釋‥‥」
報殊︰「超!今次你同我定啦,今次我醒目喇,一早老屈話你將D大殺傷力武器收埋晌D居民度,到時炸中乜都可以話炸中啦,入晒你數!」
殺達母︰「@#$*&%!!」
XXXXXXXXXXXXXXXXXXXXXXXX
結果報殊真係開拖打人,點知殺達母一D還擊之力都冇,求祈射幾支導彈都完全冇料到,乜鬼大殺傷力武器同生化武器都冇,攪到CNN電視台冇晒癮。
報殊有見及此又打電話俾殺達母︰ 「你係未玩野呀?之前叫你公開D武器你又唔公開,而家打你你都唔公開。你唔還拖,D電視觀眾個個嗌悶呀,影響我地CNN既收視呀!」
殺達母︰「之前又係你要我地銷毀晒D武器,而家邊有得還拖呀?」
報殊︰「咁你一D大殺傷力武器同生化武器都唔拎唔到出o黎,而家全世界係人都知我之前老屈你啦!」
殺達母︰「擺明你就係老屈啦 !」
報殊︰「橫掂都係屈,唔爭在屈你多D喇。」
結果第二日,CNN公佈‥‥‥非典型肺炎既原頭係晌伊拉克!生化武器襲擊全球‥‥‥
Carlyle
|